UNGAH GRAND PRIX

Bahagian 2 (2 post)

Sebelum Ungah GP dimulakan kami makan nasi katok dulu, lapas atu masing2 membuat persiapan ada yang membuat minuman, mengemas hadiah, memasang lampu makai genarator sama lantira, memastikan makanan untuk lapas Ungah GP semua sudah ada takut ketinggalan bah kelaparan karang bilang orang. Yang paling penting senjata untuk mengail macam umpan kail, joran, mata kail, lampu, pisau mun nada payah lagi minjam2 tu. Alhamdulillah semua barang keperluan ada ditempat atu.

Tu Popperazi meliat2 naindahnya ah yang bagas bepungkah dari perahu iatah becampur2 semua, inda salah tu ah popperazi karang beunjar dangan mun salah bawa. Eh napa ia Hj Win kelimpanan kah, nada papa tu eh padih kana aing hujan ganya tu mata ah.

Walaupun basah kuyup disebabkan hujan lebat ditambah lagi dengan angin kencang menyebabkan kesejukan yang mendalam sampai ketulang nya orang lah. Tapi semua atu sedikit pun inda pernah melunturkan semangat ahli2 Precious Anglers dan team jemputan untuk berjuang dalam Ungah GP yang julung2 kali nya ani. Diantara cabaran dan dugaan yang terpaksa diharungi dan dihadapi sebelum Ungah GP. Liat tu popperazi semangatnya berkobar2 walaupun sebenarnya ia ani menahan rasa kurang sihat sakit kepala bah.

Nah tu nyangku walaupun basah kuyup tapi kesiukan dan semangat untuk Ungah GP atu terpancar dari senyuman bisdia atu, pasalnya inda lagi batah Ungah GP akan dimulakan.