Pari helang

luih ku menjig di drop off muara ah, hari Isnin turun sama PA-iring. Ngalih jua lah pasalnya batah udah inda memain lauk basar ani. Atu pun tepaksa baedar sama PA-iring lapas atu aku lagi semula. Mula-mula fikir tah menyangkut, udah nya melawan atu nah lauk ni eh. Batah jua eh labih jua kali 10 minit menaikkan ah. Udahnya nampak rupanya pari, mikirkan lagi camana kan menaikkan nada kait bah. Abis fikiran pigang tia saja jig atu angkat ke perahu atu pun payah-payahan jua mengangkat. Udah di rumah menimbang 19 kilo. Alhamdulillah iatah ganya tu luih kami tu lauk putih damit sekong.

Pari

PARI

Pari ampir 3kg lurih ku ngail tadi pagi di Kilong Cina, usulnya banyak ia pari atu, udah ahir baru ku mencuba melabuh kail pasalnya banyak bah andang orang atu takut menyangkut bah. Aku atu mengandang udang plang tu iatah banyak udang ani inda lagi sempurna bah, iatah biasanya pari tu yang makan. Kalau lauk lain yang makan lain lagi usulnya tu bagas nya makan atu.

Masa ku memisi udang sama satak, kana ranjat tia kail ku ah tekana jua belakangku. Apa lagi tarus tah ku pintal tarik selajur inda lagi ku mengulur pasalnya makai tangsi tabal bah perambutnya saja 80Ibs. Inda batah eh naik tia pari ah.

PARI

Pari ani lurih ku ngail di kilong cina makai krikan saja penariknya 100Ib perambut 80Ib pemata VMC no.8 khas untuk ngail pari lah ni.

Yang banarnya aku atu mukat udang plang tu tempat atu kana galar kilong cina entah siapa kah yang membari nama yang ku tau kilong atu orang melayu jua yang punya, iatah ku liat udang ah pukat ani ada yang tinggal kulit ganya, ada yang bagas kana makan usulnya inda lagi sempurna lah udang atu , sayang jua tu udang lagi basar2.
Eh memang ada lauk makan ni diantaranya pari, apa lagi sambil menarik pukat atu ku labuh kail umpan udang yang bagas kana makan ah tangsinya ku salatkan arah rotan. Inda sampai 2 minit kana ranjat tia belaguran bah krikan ah, ku tarik tarus inda lagi dimain2 pasalnya tangsi basar khas udah tu untuk ngail pari. Udah nya nampak banar nyangku atu pari bah dalam 5kg.

Lapas atu ku labuh lagi kail atu menarik pukat semula, sudah kan abis menarik pukat kana ranjat tia lagi kail ku ah pari jua lagi tapi basar sikit lah dalam 7kg (udah di rumah plang ku menimbang tu ah). lapas2 atu sampai ke tengahari nada tia lagi ada makannya. Iatah 2 ekong tah ganya lurih ku pari ah udang pun inda banyak ada jua kali dalam 3kg ganya udang ah, syukur tah jua lah Alhamdulillah.

PARI

pari n kerapu

pari ani 40+ kg beratnya

3 orang menaikkan ni pari ah

2 kail d makannya

awie makai joran

jimi makai krikan