udang galah

udang galah

udang galah

udang galah

udang galah

udang galah

udang galah

udang galah

Udang Galah

Iatah ganya ni luih kami kelamari mengail udang galah di Batu Apoi dari pukul 8.30 sampai 3.30 ptg. Banyak jua udah tempat dicuba inda berapa makan bah. Tapi ramai orang mengail atu dari kuala sampai ke hulu atu ada saja orang mengail atu.

12 ekong semuanya
Boy jadi model saja hahaha

Sampai tia jua ahirnya kan menaikkan sapi biru ani Syukur Alhamdulillah. Lau ada peluang kan mengaga ku lagi, kali ani kul 5 pagi atu jua tolak dari rumah.

Yang ani bisdia Yann, Pg Aji sama Zul ni belurih 9 ekong semuanya.

UDANG GALAH

Udang galah di Sungai Tutong dalam 32 ekong semuanya nya Popperazi lah

UDANG GALAH

Ani tah ganya lurih bisdia Popperrazi sama Shaffie mengail di Sungai Tutong. Setiap 1 gambar atu lurihnya 1 trip tu bukannya semua atu lurih bisdia 1 trip tu eh. Iatah 3 kali turun atu kan sama jua banyaknya lurih bisdia atu.

Shaffie sama 2 ekong udang galah sapit biru.

UDANG GALAH

Tadi pagi kami (Padamit, Hj Win, Fian sama Pg Aji) turun di Muara menuju ke Batu Apoi Temburong kan mengail udang galah. Kami makai Mini Precious ganya iatah kan 1 jam bah perjalanan kami.

Hj Win

Pg Aji

Padamit 2 ekong ganya belurih sapit biru

Fian, ada plang jua sapit biru lurihnya, inda apa nya begambar sama yang paling damit saja nya

12 ekong semuanya lurih kami ah

Capt. Precious, G-Mi sama keluarga bisdia membawa peranaknya (Precious Kids)makai Precious Boat. Bisdia belurih 5 ekong ganya pasalnya bisdia akhir datang, tengahari bah baru bisdia ada.

Hj Win pertama kali turun mengail udang galah bersama Precious Anglers. Walaupun yang pertama kali turun, tapi ia jua yang pertama belurih udang galah yang sapit biru lagi tu. Nyaman banar hatinya eh.

Hj Win jua yang kedua belurih sapit biru lagi, eh langkah kanan banar eh. Syukur Alhamdulillah inda jua ku balik kosong, ah camatu rasanya belurih udang galah ani.

Ani masa menunggu-nunggu udang galah memakan umpan, umpan yang kami pakai udang sama jantung ayam.

Balik kerumah terus suruh bini masak yang ringkas saja lah, lapas mandi terus makan udang anak-beranak walaupun ringkas tapi puas hati lah pasalnya ia masih segar, lagi pun ia lurih sendiri atu bah.