I made this widget at MyFlashFetish.com.

Search This Blog


ASSALAMUALAIKUM DAN SALAM SEJAHTERA. BLOGSPOT ANI DIBUAT UNTUK MENYIMPAN KENANGAN MANIS DAN PAIT MELALUI GAMBAR DAN TULISAN, UNTUK BERKONGSI PENGALAMAN, PENGETAHUAN, PEGAJARAN, TEMPAT DAN KESIUKKAN MENGAIL. IANYA JUA UNTUK MENGENALI DAN MENGENALKAN NAMA DAN JENIS LAUK DI AING MASIN DAN AING TAWAR YANG ADA DI LAUT, DI TEPI PANTAI, DI SUNGAI MAUPUN DI TASIK YANG TERDAPAT DI NEGARA BRUNEI DARUSSALAM ANI MELALUI GENG PENGAILAN SEMUA. KAMI UCAPKAN TERIMA KASIH KEPADA YANG BERKESUDIAN MENGUNJUNGI BLOGSPOT ANI.

Kepada geng pengailan semua mun kan berkongsi gambar, cerita, tulisan, pengajaran, pengalaman, trip mengail, alat-alat mengail, alat-alat penangkapan yang lain atau apa saja lah samada petua, pantang larang atau etika mengenai mengail boleh lah mengirimkan ke

Pa_damit@hotmail.com

Preciousanglers@gmail.com

8193404 (bmobile)
8773404 (dst)


I made this widget at MyFlashFetish.com.

TENGIRI

Wednesday 24 February 2010

kelamari turun dalam pukul 2 lah di Jerudong. Menganjun dulu ah kapal karam, sudah cukup rasanya baru tah kami naik lagi ah kapal karam inda jauh iron duke ah. Alhamdulillah 2 ekong lah naiknya tengiri ah. Aku sekali tariknya lapas tia jua, Pa-iring 2 kali putus 2 kali lapas,Hj Win sekali putus sekali lapas, G-Mi 2 kali putus. Balum tia kan rezeki kami tu sabar saja lain kali lagi mencuba lah jangan putus asa.

Anduping sama ayam laut ani lurih mengail dasar beranyut ah takat cina, inda batah lapas tu mulih tah kami jua.

















BENDERA NEGARA BRUNEI DARUSSALAM

Monday 22 February 2010


SELAMAT MENYAMBUT HARI KEBANGSAAN YANG KE 26 PADA TAHUN INI.
23 FEBRUARI 2010
DENGAN TEMANYA
NEGARA KU BRUNEI DARUSSALAM

SOTONG

Hari Sabtu lepas Pa-iring, CP Awie, G-mi sama Hj Win membangkit bubu di laut Muara lah. Iatah ganya isinya ni bubu ah, 2 ekong sotong, 2 ekong ayam laut sama sekong upit-upit. Sotong yang besar atu 2.5kg tu beratnya atu pun kana anggus-anggus udah sama nada lagi janngutnya, mun inda ampir 3kg kali tu eh. Sotong atu ada plang lagi tu tapi tinggal apa namanya tu ah yang putih atu bah, ada yang menggalar kasut tia, layar, perahu lah eh macam-macam bah. Kalau mengikut kasut/perahu/ layar nya atu 3 ekong plang lagi tu sama saiznya tu yang 2.5kg ah.



UPIT-UPIT


AYAM LAUT


BANGLOS

Saturday 20 February 2010

Ani G-Mi makai umpan hidup ni ngail di bawah. Banglos ani kuat ni tariknya ah, dari bawah sampai ke atas lakat tia melawan bah. Udah ia mengenalkan dirinya nampak udah siripnya, malas-malasan tah ia kan menaikkan. Alaaa banglos mun ku tau antadi inda ku mengulur, ku pintal ia berabis. Akhirnya catch n terelease lah.

SOTONG

Wednesday 17 February 2010

Kelamari Pa-iring, CP Awie, G-Mi sama Hj Win membangkit bubu di laut muara, payah sikit mencari pasalnya ombak atu besar bah. Iatah ganya ni lurih bisdia ah sotong 2 ekong, ayam laut 2 ekong sama upit-upit sekong. Sotong yang besar atu 2.5 kg beratnya atu pun kana anggus-anggus udah nada janggutnya lagi, mun inda ampir 3 kg kali tu eh. Ada lagi sotong tapi tingal apa namanya tu yang putih atu bah, ada orang menggalar layar tia, kasut lah macam-macam bah. Kalau ikut kasut/layar atu 3 ekong lah sotongnya kan sama tu saiznya yang besar ah.

UPIT-UPIT


AYAM LAUT


Tengiri

Precious Anglers Pa-iring, G-Mi, Awi sama Alus turun lagi hari Isnin, mula-mula membangkit bubu alum ada rezeki 2 biji nada berisi bubu ah. Lepas atu baru mengail di tempat yang sama kapal karam yang hari minggu kami aga ah. Tapi kali ani 3 ekong tengiri, lingkuh, rumahan laki sama kurisi-kurisi.


Ani tah rumahan yang bisdia belurih menganjun, dihidupkan dulu untuk dibuatkan umpan mengail tengiri.



C Alus belurih ani makai umpan hidup di labuh nya sampai ke tanah
(ngail dasar).




Pa-iring makai umpan hidup jua tapi ia mengail pertengahan saja.
C Awi mengail timbul makai pelampung.

Bisai jua cara bisdia atu ah 3 peringkat bah, dasar, pertengahan sama timbul. Mana satu kah yang tengiri makan ah, sekalinya 3 peringkat atu jua disambar tengiri ganya inda plang dalam satu masa tu eh. Bukan saja umpan hidup ia mau, G-Mi mencuba menjig pun disambarnya jua ganya sayang putus bah, alum tah rezeki tu.

SUHONG / SENUHONG

Tuesday 16 February 2010

Suhong atau senuhong ani CP Awie yang belurih ni 3 ekong semuanya. 2 ekong CP Awie yang menaikkan, sekong lagi C Jef, kan mencuba merasa mainan suhong ani nya. CP Awie bagi lah peluang arahnya.

Video ani tangkapan Suhong yang bulan December tahun 2009 plang ni.

LINGKUH

Inda belaku kan bediri bah main lingkuh 5.5kg ah, Alun atu basar bah iatah duduk ganya atu. Inda jua batah lah main pasalnya dalam 10 dapa lah ganya turunnya umpan ku ah, basong2 hidup inda sampai 5 minit melantur tia joran ku ah.

Lingkuh

Monday 15 February 2010


Yang ani dalam 5.5kg lah beratnya




Lingkuh ani 2 ekong yang basar atu Jimi belurih menjig, sekong yang damit atu makai umpan hidup mengail dasar, sekong lagi yang basar atu Padamit tu yang belurih makai umpan hidup tapi turun 10 dapa saja lah.

Tengiri


Tengiri ani Padamit belurih menjig ni, ada jua kali 2kg lah. Baru 2 3 kali menggulung kana sambar tia, gulung lah tarus inda lagi membagi peluang, pasalnya inda jua luan kuat bah iatah yakin ia damit.

TUNGKUL


Tungkul ani pun Padamit belurih menjig jua ni sekilo labih lah, udah pertengahan aing baru tah ia menyambar, mula2 fikir tingiri udah ampir rupanya tungkul. Tungkul ani dulu naik lah baru tah belurih tangiri atu. Lepas atu inda tia lagi ada tengiri ah, lingkuh tia plang mengambil alih tempat atu.

KURISI 2


PISANG2


TUNGKUL

Tungkul atau bekulan oleh menunda ni pematanya atau perambutnya biasanya 7 atau 9 tu. Kadang 2 3 ekong ganya tu yg dapat tapi pernah plang jua penuh tu.

LAUK BUBU

Monday 8 February 2010

Kelamari Precious Anglers, Pa-iring, Padamit, Hj Win sama Fian turun di Muara kan membangkit bubu dulu lepas atu baru tah mengail. Ani iatah lauknya ni yang kami lurih membangkit bubu ah. Yang pertama atu 8 ekong semuanya, membangan 6, santak 1 sama berahan 1. Yang kedua atu 2 ekong ganya, buna sama kerapu. Kerapu 2 ekong yang damit atu iatah ganya lurih kami mengail tu.


Sori ah warna lauk atu inda lagi tarang bah, berubah warnanya udah.

BUNA

Buna ani dalam sekilo lah beratnya.



SANTAK

Santak ani damit ganya ni dalam 300g lah kali jua tu ah.


MEMBANGAN

6 ekong membangan sekong berahan. Masanya baru dapat atu bisai plang warnanya ni, sudah ditaruh dalam coldbox atu berubah tia warnanya ah.


UDANG GALAH

Udang galah di Sungai Tutong dalam 32 ekong semuanya nya Popperazi lah


UNGAH

Ungah di laut Jerudong, antah berapa kilo kah jua ungahnya ani. Mungkin dalam 5 kilo lah atau lebih.
Pudin



LANTARAN

Sunday 7 February 2010

Lantaran ani pun sama jua ni suka makan umpan hidup, lau yang bekarat atu jarang tah kan belurih tu.

Languran ani makai umpan hidup jua ni mengail dasar, ani pun kuat jua ni ah. Batah udah inda menaikkan ni languran ah. Yang lepas2 atu biasanya kami jigging sama popping ganya ni languran ani

AMBONG2

Ani pun lurih menganjun jua ni yang damit ah, kan menganjun basong2 plang tu mulanya tapi ani tah plang naik.


PELAPAHAN


Pelapahan yang besar ah, ani lau ku inda silap Pa-iring belurih menganjun, anjun atu diumpaninya bah. Iatah pelahan2 ganya ia menarik akhirnya naik jua oleh nya Alhamdulillah rezekinya tah sudah tu.




TAWIH

Tawih ani pun lurih mengail dasar jua, ampir 2 kilo lah beratnya


ANDUPING LAUSU

Anduping lausu ani pun boleh tahan jua ni kuat tarikkannya, ani pun makai umpan hidup jua mengail dasar. Dalam sekilo lebih lah sekong ni.





BANGLOS

Banglos ani kuat jua ni tarikkannya, sangal jua olehnya kan menaikkan banglos ani. Ani makai umpan hidup mengail dasar.

TAKAT 75

Saturday 6 February 2010

Tadi Precious Anglers Capt. Precious, Pa-iring sama G-Mi turun ke takat 75. Iatah lurih2 bisdia ni, mun banyak umpan hidup ada lagi naiknya ni, mana jua olah nada belurih menganjun. Syukur jua lah Alhamdulillah.





tawih, languran, ambung2, lantaran, kerapu, kurisi bali, anduping lausu, banglos eh macam2 ada lah




UDANG GALAH

Tuesday 2 February 2010

Ani tah ganya lurih bisdia Popperrazi sama Shaffie mengail di Sungai Tutong. Setiap 1 gambar atu lurihnya 1 trip tu bukannya semua atu lurih bisdia 1 trip tu eh. Iatah 3 kali turun atu kan sama jua banyaknya lurih bisdia atu.
Shaffie sama 2 ekong udang galah sapit biru.