tengiri

tengiri

tengiri

ekongnya kana sambar

tengiri n dogtooth

Tengiri 5 kg.

Dogtooth anggaran dalam 2 ke 3 kilo lah.

Tengiri

Ani PAdamit saja belurih ni

Yang ani luih popping

Ani luih jigging

Tengiri

9 ekong tengiri beratnya 4kg ke bawah sama 2 ekong bakulan.
Chob sama paradiannya belurih di laut berakas makai umpan hidup.


Tahniah geng bah lain kali konvoi ke sana ah ok.

Tengiri

tengiri, bekalang, lingkuh n tungkul

Tengiri ani ulih hari minggu siang kemarin ni... turun sama peradian ku arah lawa-lawa buluh ganya... macam biasa umpan palai aur-aur hidup.. sayang umpan atu banyak bematian.. iatah nda keduluran menengiri.. mencuba tah kami mengambur timbul pakai aur-aur mati.. betabur di atas lah... mana tau ada bakulan atu.. ada 2 ekong ganya yang makan bakulan atu.. syukur tah ulih atu balik jua minyak.

By : Chob @ Pendekar Laut

Tengiri

Hari minggu kami Pa-iring, PAdamit, Hj Win sama iparnya Jimmey turun kelaut alum tau kan kemana. Malam minggu atu ada jua yang turun, bisdia balik pagi lapas atu kami lagi menyambung. Mula-mula kami mencari umpan hidup dulu, menganjun tah kami kesana kemari banyak jua udah tempat biasa menganjun di aga, tapi inda jua ada lauk kan dibuatkan umpan, yang ada ganya pisang-pisang. Udah sebalah patang baru tah ada basong-basong atu, iatah tarus dibuatkan umpan ah. Sekong ganya naiknya tengiri ah atu pun damit dalam sekilo labih pakah ganya.

Tengiri ani aku belurih makai krikan ganya ni.

Tengiri

Gambar ani disumbangkan oleh rakan sepangailan iaitu Chob, ceritanya inda tau camana ni. Di mana bisdia mengail, teknik apa, berat lauknya pun inda tau jua ni.

Bisdia belurih ani 24 September.

Ni nah ceritanya, bisdia belurih tengiri ani arah lawa-lawa buloh makai ambur saja, umpannya aur-aur hidup.

Terima kasih Chob mun ada lagi lain kali kirimkan ah ok, kalau boleh ada ceritanya sedikit pabaik asal ada bah inda jua orang tetanya-tanya inda ja. Ani aku pun tetanya-tanya ni, membari iski jua meliat bah lureh kamu atu.

Tengiri

Hari raya ke lapan Popperazi, Sapai sama Andy turun di Telisai. Mula-mula menganjun dulu untuk umpan hidup, udah banyak kira-kira cukup lah kan umpan baru mencuba mengail tengiri. Kesana kemari jua mengunjar tapi alum jua ada. Kira putus asa lah udah,bah balik tah kitani eh nda jua ada makannya. dalam 2 kilometer perjalanan balik, rehat dulu kira makan tengahari lah. Sebelum makan atu melabuh kail dulu lah mana tau ada rezeki sambil makan atu. Balum pun sampai seminit kana ranjat tia joran Sapai ah, Alhamdulillah dapat jua dinaikkan oleh Popperazi tengiri 10 kilo. Selepas atu baru tah lagi yang 6 kilo oleh Andy tuan punya perahu.

Tengiri Batang 10kg sama 6kg

Siuk tu eh, bah lain kali lagi kitani turun ah kan merasai tengiri Telisai ah ok tu .

Tengiri

Hari Sabtu 24 Julai ah G-Mi sama Hj Win membawa orang mencatar Precious Boat untuk menjig iaitu Languran (Azman) sama adiknya Kamal. Ahir plang turun pasalnya keadaan laut bergelora, buat-buat menunggu di Pantai Jerudong atu kejumpahan tah jua geng yang lain. Camana ni teruskan kah inda, boleh plang jua ni ganya tepaksa tah kitani bakonboi ni, ok iatah baiknya tu. Ganya inda tah jadi ke drop off tu ah. Bakonboi tah bisdia 4 buah perahu semuanya menuju Maharaja sama Jasra.

Kamal belurih menjig languran arah kapal karam di Maharaja.

Kamal belurih 2 ekong tengiri, Hj Win sekong sama Azman 2 ekong.

G-Mi mengaitkan languran lurih kamal menjig ah.

Kamal sedang melayan languran

Tengiri 5 ekong sama languran sekong iatah ganya lurih bisdia tu, jigging semua. Tapi sayangnya lauk bisdia ani inda lagi tetimbang, kelupahan membawa daching nya. Di rumah pun lupa tia jua bagas belalah menaikkan perahu ah aing tuhur basar bah iatah payah tu, mana lagi ombak.

Tengiri

Popperazi

Tengiri 7.5kg

Pancang Telisai

Tengiri

Popperazi turun di Tutong semasa cuti sekolah bersama Joule Geng Lumut Anglers. Diantara lauk-lauk yang bisdia belurih tengiri, yu sirip hitam sama tungkul. Tengiri atu malar ada makannya tapi malar jua mis, kadang-kadang dikait ah ekong dikepala ia menyambar, dikait karang arah kepala arah ekong disambarnya. Pandai jua banar ah tengiri ani ah, nanti tah belajar lagi orang pakar atu.

Popperazi

Iatah ganya ni antara ulih-uli mancing masa cuti skulah ah. Tengiri atu dalam 6.5kg, 5.5kg sama 2kg. Betaris jua muha lah luan-luan turun siang saja atu heheheh.

Tengiri

Yang banarnya putus udah tali jig nya atu bah baik jua ada lagi pemata yang 2 atu di bawah, sana tah ganya tengiri atu menyangkut arah badannya atu pun carik bah udah. Iatah rezekinya tu kalau kan dikira ah boleh lapas bah tengiri atu sedikit ganya sangkutnya atu bah. Beratnya 5.5kg tengiri ah. Boy ani model saja ni bapanya yang belurih ani G-Mi.

Tengiri

Ani kami belureh menjig ni. Sebelum ke drop off singgah kami dulu di takat cantik menjig lah ganya iatah tengiri sekong tungkul sekong. Kan balik atu singgah kami lagi iatah 2 ekong tungkul lagi.

Tengiri

Tengiri

Sufri

TENGIRI

Ani lureh ku menjig ni ah kapal karam tekait ah kepalanya ganya bah, kan rezeki jua banar ah.

TENGIRI

kelamari turun dalam pukul 2 lah di Jerudong. Menganjun dulu ah kapal karam, sudah cukup rasanya baru tah kami naik lagi ah kapal karam inda jauh iron duke ah. Alhamdulillah 2 ekong lah naiknya tengiri ah. Aku sekali tariknya lapas tia jua, Pa-iring 2 kali putus 2 kali lapas,Hj Win sekali putus sekali lapas, G-Mi 2 kali putus. Balum tia kan rezeki kami tu sabar saja lain kali lagi mencuba lah jangan putus asa.

Anduping sama ayam laut ani lurih mengail dasar beranyut ah takat cina, inda batah lapas tu mulih tah kami jua.

Tengiri

Precious Anglers Pa-iring, G-Mi, Awi sama Alus turun lagi hari Isnin, mula-mula membangkit bubu alum ada rezeki 2 biji nada berisi bubu ah. Lepas atu baru mengail di tempat yang sama kapal karam yang hari minggu kami aga ah. Tapi kali ani 3 ekong tengiri, lingkuh, rumahan laki sama kurisi-kurisi.

Ani tah rumahan yang bisdia belurih menganjun, dihidupkan dulu untuk dibuatkan umpan mengail tengiri.

C Alus belurih ani makai umpan hidup di labuh nya sampai ke tanah

(ngail dasar).

Pa-iring makai umpan hidup jua tapi ia mengail pertengahan saja.

C Awi mengail timbul makai pelampung.

Bisai jua cara bisdia atu ah 3 peringkat bah, dasar, pertengahan sama timbul. Mana satu kah yang tengiri makan ah, sekalinya 3 peringkat atu jua disambar tengiri ganya inda plang dalam satu masa tu eh. Bukan saja umpan hidup ia mau, G-Mi mencuba menjig pun disambarnya jua ganya sayang putus bah, alum tah rezeki tu.