UNGAH GRAND PRIX

Bahagian 4


Ani tah diantara lauk lauk yang kami belurih malam atu ganya udah siang baru tah begambar, malam atu inda tekanang kan bergambar sama orang yang belurih lauk atu, c Joseph ganya kana gambar mengkali pasal ungahnya atu yang paling basar atu pakah. Nada deh yang banar macam nada bah orang sibuk kan begambar sama lauk yang bisdia belurih atu , inda lagi tekanang pakah pasalnya luan kesejukan atu kali bah. Atu pun ah udah kan balik masa manyap manyap kan membagi-bagi lauk baru tah tekanang kan begambar.

Padamit, Popperazi, Joseph (kumpulan Tangat) mengail di batu No.2 ganya bersama kumpulan lain yang malas jua kan mengangkat barang-barang kail ah, jauh bah bejalan kan menuju ke batu No.1, No.3 sama No.4 ah. Kumpulan Buntih C P Awie, pudin dan c Dom. Kumpulan Kembura Raman sama Mohet. Padamit belurih ungah sekong 1kg labih sama kerapu 1 kg labih sikit lah. Joseph belurih ungah paling basar malam atu sama lapu membari takut meliat lapu atu antah lapu apa kah namanya tu, makai joran ia diumbankannya kelaut. Hj Win belurih ungah atu di Batu No.1 tu.

C Jimi belurih ungah di Batu No.3 sama Batu No.4 kerapu ada jua ia belurih. Bebaloi jua rasanya tu dengan hasil usahanya malam atu Jimi Juara Paling Banyak Belurih, pasalnya ia sama c Wann ganya bekarih bejalan mengail ke Batu No.4 mun rezeki nya 2 3 ekong lagi ungah yang naik di Batu No.4 atu nya ada yang putus ada yang lapas, iatah alum kan rezeki tu namanya. Tapi Alhamdulillah Juara ia jua bah malam atu hadiahnya lagi yang paling mahal tu malam atu. Usaha tangga kejayaan, tahniah Jimi teruskan usaha.

Joseph sama kawan-kawannya (Geng Lumut Anglerz) dijemput oleh C P awie dalam Ungah GP ani. Mula-mula bisdia ani dijemput untuk menjadi pemerhati atau pengadil lah, tapi bisdia mengail plang jua. Iatah masa mengail atu sambil menjadi pemerhati lah. Sudah disaat-saat akhir masa-masa kecederaan atu C P Awie betukar tia fikirannya, biar tia Geng Lumut atu ikut jua betanding dalam Ungah GP ani nya, mana tau kemudian hari Geng Lumut mengadakan yang macam ani dapat jua kan jadi Team Jemputan nya. Ok lah AJK pun setuju saja lah cadangan C P Awie atu. Nah Berezeki c Joseph malam atu mun kan dikira yang banarnya c Joseph Juara 3 kategori iaitu Lauk Ganjil, Lauk Pertama sama Lauk Paling Basar. Tapi kami sebulat suara udah masa kami mesyuarat setiap individu hanya boleh menjadi Juara dalam 1 kategori sahaja. Jangan marah Joseph ah yang banarnya tu bukan aku mandai-mandai tu mun inda pecaya tanya C P Awie atau Popperazi kah hahahaha, bah mun ada Geng Lumut kan mengadakan yang macam ani jangan lupa ah jemput jemput lah kami ok.

Padamit wakil dari Precious Anglers mengucapkan terima kasih kepada Geng Lumut yang sanggup behujan besejuk-sejuk dan yang sewaktu dengannya hahaha, sudi menjadi team jemputan kami dalam Ungah Grand Prix 2009 ani, kami jua minta maaf kalau ada yang inda puas hati mana tau kali ada bah.

Lapas udah menimbang-nimbang, mengira-ngira, menolak menyampur apa atu ani, udah tau siapa juara-juaranya baru tah kami bekumpul lagi di pasir untuk menyampaikan hadiah di waktu subuh dingin atu jua, pasalnya Geng Lumut sama ada jua 2 3 orang Geng Precious kan balik ada yang kurang sihat bah, iatah nyangku jangan dipajal. Penyampaian hadiahnya tunggu di post yang akan datang ok jangan marah ah.