ngail di Jambatan Queen

Kelamari C P Awie, Padamit sama keluarga mengail di Jambatan Queen dari pukul 4 ptg sampai 6 ptg, malabuh bintur jua tapi nada blurih ketam umpan kembura ganya, ngail pakai umpan udang hidup sama kembura pun nada belurih jua. Mana tah kan nada belurih macam main-main ganya, tapi inda apa lah besantai saja bah. Kami datang sana ada udah orang ngail jua cina 3 orang ada jua Geng Night Anglerz G Ham 2 orang tapi inda ia batah bepindah tia jua.

Farahiyah (Dang Damit) tu ngail, udah kan di gambar sampat lagi membuat mua cute, andang nya jua cute bah. mula-mula dingin saja nada bunyi2 nya farahiyah udah inda lagi batah kan balik baru tah ia iski kan mengail macam enjin diesel bah lambat panas hahaha. Mana tah kan jua orang nyaman tidur dibanguni iatah membarinya macam malas saja usulnya.

Tu nah Farahiyah sama Kak Long (Diana, sepupu Farahiyah) mengail macam si banar ah orang menawakan kedia. Udah panas enjin nya suaranya tia ganya bah kan didangar.

Farahiyah sama sepupunya Nurul, Aina, Shasya, Nisa sama Kak long (Diana), bukan nya kan mengail banar bisdia ani kan bemain tah plang bah. Bising lagi baibun kalau pasal mengail baik jua, bila kan digambar atu iski bilang orang.

Nah tu nyangku mun kan di gambar atu iski banar bisdia, Diana, Aina, Nisa, Shasya sama Nurul inda kenampakkan.

Nurul, Nisa sama Diana sampat lagi masbuk tu kan digambar ah, kan disuruh menggambar inda tia mau, inda pandai tah nya eh macam-macam bah.