BEMASA (GT)

Bemasa ani luih2 kami di masa2 lalu ada yang tahun ani ada jua yang tahun tahun lapas.

Masa atu alum lagi kami membuat blogspot, udah tedapat blogspot ani iatah kan menaruh gambar2 lauk yang pernah kami luih ani. Sebelum ani kami post ah Brunei Fishing sama ah blogspot dangan ganya.

Kebanyakan bemasa ani luih kami mempopping, tapi ada jua luih kami menjigging, ada jua makai umpan hidup makai krikan biasa saja. Dua dua ani ada cabarannya makai krikan sama makai joran ani. kekuatan bemasa ani akan lebih dirasai mun makai krikan, kadang2 berat atau besar nya atu di luar jangkaan, macam tani menarik lauk atu seolah2 berat lauk 6kg ke 7kg sekalinya udah naik 2kg ke 3kg ganya, atu pengalaman ku lah nda ku tau orang lain ah. Kadang2 sampai inda tetarik terpaksa diikat ah perahu dulu nunggu ia lamah baru tah menarik nya dangan jua tu.

Selalunya kami mengerjakan Bemasa ani di waktu malam dari pukul 5 lalu turun di Jerudong menganjun dulu untuk umpan hidup, kira2 lapas maghrib baru tah beroperasi sampai esuk paginya baru mulih. Selalunya jua bukan 1 tempat ganya mun udah nada lagi makannya pindah lagi kesana kemari lah mencari. Kadang2 2 ekong ganya luih mun kelurusan ia nada makan atu, tapi inda apa lah mungkin alum ada rezeki malam atu sekurang2nya kami berusaha udah mencari.