BEMASA (GT)

Capt. Precious (awie) dengan lauk2 bemasa (GT) nya.
Ganya nda ku ingat lagi bah berapa kg lauk2 nya ani, maklum saja gambar2 lama bah.



Bemasa (GT) ani diantara luih2 Capt. Precious dengan kebanyakkannya menggunakan teknik popping. Masa atu ia makai spool Shimano Navi8000pg, braided powerpro 50Ib, joran Figo (big fish), popper buatan sendiri sama yang bebali di kadai jua lupa ku namanya. Tapi masani macam2 udah jenis2 spool, joran, braided nya lah.

Banyak plang udah luih lauk GT ani tapi banyak jua udah pengorbanannya tu. Terutamanya Capt. Precious ani contoh nya antah berapa banyak udah popper nya yang udah terkorban yang basar yang damit yang murah yang mahal, dulunya membali ganya tu iatah pasalnya kami membuat popper ni, kebanyakkannya putus oleh lauk lah ada jua telapas ikatan, kadang2 kili2nya yang putus, atu baru popper tu ah, alum lagi braidednya malar tia mengusut terutamanya powerpro atu usulnya inda berapa sesuai untuk popping atau casting atau yang sewaktu denannya. Joran nya ia jua pernah patah bah oleh lauk batah udah memain patah jua ahirnya. Spool Opusbull 5000 pun udah terkorban jua.

Tapi semua atu inda ia luan maduli tu betambah kuat tia plang semangatnya. Semua atu cubaan dan ujian tu dari ALLAH TAALA, dijadikan pengajaran supaya tani lebih berhati2. Dengan adanya atu bertambah lagi imlu mengail khususnya ilmu popping ani. Padamit sendiri pun belajar popping ani dari Capt. Precious sama Popperazi. Bisdia ani lebih awal menerokai teknik mengail secara canggih ani menggunakan umpan kayu, plastik sama timah. Aku mengail makai krikan saja, pasal lauk bemasa ani tah ku belajar makai spool sama joran ani. Belajar sikit2 cara popping sama casting sambil atu membali jua sikit2 barang2nya yang biasa2 saja ikut kemampuan ku lah. Masani ani Allhamdulillah inda jua luan malu lagi mun kan ikut ah dangan, pandai jua udah sikit2 lah barang2nya pun tedapat jua ku udah yang sadang2 lah sama yang 2ndhand ganya lah, hehehe.

GT yang paling basar pernah Capt. Precious naikkan dalam 31kg kali mun ku inda silap lah ah dalam tahun ani tu. (mun salah luruskan Capt. Precious). Rekod Precious Anglers paling basar ni yang pernah dinaikkan oleh ahli2 nya. GT ani biasanya kami jual ah kawan2 saja harganya pun harga kawan2 jua tu, kadang2 yang luan basar atu tepaksa tah dijual ah orang pasar.