BEMASA (GT)

Yang ani luihnya pada 28 September 2007, bisdia begambar ani kan pukul 2 pagi ni baru naik dari laut lapas memanyap sama menyuci perahu baru tah begambar.

Begambar makai telefon mobile ganya iatah kadang2 gambarnya inda berapa tarang atu,

berapa Megapixel jua ganya kan asalkan ada dapat jua kan kanang2an kan
daripada nada.

Inda tia kira lauk atu basar atau damit tatap jua digambar tu, dari gambar atu udah nampak kegembiraannya.

Walaupun sebenarnya semasa di laut merasa takut, gelisah, macam kan jara ada jua, pasalnya kadang2 tekandung hujan labat, angin kuat, ombak basar. Kadang2 langsung nada belurih. Macam2 udah cubaan dan dugaan diharungi dan dilalui tapi syukur Alhamdulillah semuanya selamat. Dengan adanya gambar macam ani kan dilihat iatah menguatkan lagi semangat untuk mencari rezeki di laut atu.

Ani last tah ni gambar2 Capt. Precious bersama GT, lapas ani ahli2 yang lain lain. Eh ada lagi satu gambar Capt. Precious bersama GT yang paling basar pernah dinaikkannya atu, masa ani alum ada kebenaran dari Capt. Precious mun ada udah kebenaranan ada ku mempost tu ok. Yang banarnya ada plang udah gambar atu dalam blog ani, nanti saja lah ah.