BERAHAN

Ani tah ganya lurih bisdia ngail di laut Jerudong, makai umpan boneless basong2 ah. Dari hari jumat pukul 10 mlm sampai esuknya pukul 5 pagi. Pa-iring sama Capt. Precious ganya bedua. Walaupun ombak kuat tapi bisdia tunggui jua pasalnya ada makannya atu bah, atu pun kehabisan umpan udah mun alum habis umpan menunggu sampai kesiang pakah eh. Macam kan mabuk jua rasanya, biasa makai perahu 23kaki malam atu makai yang 19 kaki ganya iatah kuat jua goyangnya tu perahu ah. SMS lagi bisdorang G-Mi kan minta antati umpan lah kononnya ni. Malam atu bisdia mengail di sekitar Jasra sama Maharaja, udah di Iron Duke baru tah menerima SMS ah, dui balik udah Pa-iring sama Capt. Precious.

Batah-batah menunggu nada reply dari G-Mi balik lah jawapannya tu, sayang eh masa biasdia kehabisan umpan atu lakat lagi makan bah. Mana jua ulah inda lagi ada umpan, mun kan majal jua karat tia saja berahan atu buatkan umpan hahaha. Syukur Alhamdulillah kira belurih jua udah tu, lain kali lagi mencuba, jangan lupa bawa kediaku ah ok.