Drop Off

Kelamari Precious Anglers ke Drop Off konboi 2 buah sama geng jua orang lama Halim sama anak buah nya dalam pukul 6 kami tolak dari Jerudong. Mula-mula kami aga di Takat Cantik menjig saja belurih makai umpan ada jua kerapu bedamitan ah. Di sini aku belurih menjig aji-aji (king fish) 5.5kg sekong lagi putus, Hj Win belurih sekong aji-aji yang mega ah sama 3 ekong tungkul atau bakulan 3.2kg sekong. Geng kami atu ada jua menaikkan kerapu lah ketumbang udah 3 tu hahaha.

Tempat yang kedua kami aga Drop Off kira-kira 18km lagi ke atas dari Takat Cantik ani. Di Drop Off kami banyak menaikkan kurisi India, pisang emas sama kurisi Brunei. Geng kami atu ada sikit masalah, tali sauh kusut tia, sauh inda ngam tia akhirnya beikat tia ganya ah perahu kami ah. Udah atu menyangkut tia lagi kailnya ah enjin. Baru tah kan siuk mengail nya eh cubaan jua banar eh macam sorang ganya bah.

Dalam pukul 3.30 balik tah kami dari Drop Off, singgah lagi di Takat Cantik nada belauk abis betempiaran kali lah lepas kami menaikkan yang mega ah, Hj Win ganya menaikkan tungkul sekong 3.2kg. Dari sana kami singgah lagi di Maharaja, G-Mi menjig menaikkan Berahan 5.5 kg. Dalam pukul 7mlm kami sampai Jerudong aing lagi tuhur iatah payah menaikkan perahu ni. Tepaksa di tarik dulu perahu atu pakai tali sampai ke pasir baru tah menaikkan ke trela.

Hj Win, Padamit, Awi (captain), G-Mi

Kurisi India, kurusi Brunei, pisang emas bawa belayar

Alhamdulillah rezeki, batah udah inda ke Drop Off, baik jua bedangan mun inda alum jua tau sampai tu. Mula-mula geng ani kan ke Magpie inda jadi, pasalnya kami bawa bekonboi ke Maharaja. Inda luan belauk, tanya geng ke Drop Off tani cana, bah ok eh. Ikut ramalan cuaca udah ahir taduh sikitnya, bukannya makin taduh makin basar ada plang alun ah.