Drop Off

Iatah lureh PRECIOUS ANGLERS ni. Hari Sabtu lapas ah 3 April 2010, Pa-iring, CP Awie, G-Mi sama Hj Win mengail di Drop Off, bakonboi 5 buah tapi 3 buah saja yang sampai Drop Off 2 buah lagi singan ah Takat Cantik saja. Pasalnya cuaca hari atu boleh dikatakan bergelora lah, kelajuan angin 20km - 40km, ombak 0.8m - 1.5m atau lebih. Mun sudah duduk pun inda tatap olehnya tambahan lagi arus kuat, mungkin pakai batu 1kg kali baru tah bisai pakah tu kapisan jua menggulung tu, baik jua CP Awie ada yang letrik dapat jua mutik-mutik. Walaupun keadaan cuaca macam atu sedaya upaya jua kan mengail ah, ke sana ke mari jua mengunjar dimana lauk atu yang pajal. Udah akhir sikit baru tah kejumpahan arahnya lauk pajal ah. Alhamdulillah ada jua rezeki hari atu walaupun kurang memberangsangkan syukur apa yang ada. Masa balik inda dapat laju semua basah kuyup oleh ombak sama angin ah.

Kurisi India, Kurisi Brunei, Awat-awat, Rubi sama Pisang Emas