Precious Anglers

Biasanya tiap bulan puasa mesti ada kami sungkai n sahur di laut ani kan abis udah puasa baru tah sampai hajat. Malam minggu 12hb kami (Capt. Precious, Padamit, Popperazi, Jimi n Dini) turun di Jerudong dalam pukul 5 lalu lah, membali penyungkaian dulu di jerudong ah sekali nya udah di perahu macam orang kan piknik banyak bah minuman sama makanan ah. Dalam perjalanan menuju ke tempat yang di hajati atu iatah kami beranti sekajap kan basungkai tapi Padamit, Jimi n Dini saja makan, popperazi sama Capt. Precious alum makan minum saja dulu nya karang bisdia makan nya. Cuaca malam atu berangin lah jua tapi inda jua luan baombak lah dapat jua kali 45km/jam kelajuan perahu udah kan tangah malam baru tah kurang sikit angin ah. macam2 udah kami cuba ngail dasar umpan boneless basong2, popping, jigging ngail timbul bepelampong inda berapa makan lauk malam atu kurang memberangsangkan lah. Dalam pukul 3 lalu kami balik dari sana Jimi captain nya sampai di jerudong sampat jua lagi sahur sama begambar2 lauk yang kami luih ah. Jimi inda lagi tegambar kalat hantap udah matanya nunggu ia ganya dalam mantuka.