umpak

Kelamari aku sama Chob turun dalam pukul 5 atu lah. Mula-mula mengambil pumpun kami dulu di Pulau Muara Besar ah. Bukan kami saja lah yang menumbak pumpun atu ada jua beberapa buah perahu lain lagi yang datang lebih awal dari kami. Belum lagi banyak luih kami memumpun atu hujan tia iatah inda sampat mengambil uwak-uwak. Betaduh tah kami di bawah Pelabuhan ah rupa ada jua udah orang betaduh. Cukup bah angin kuat ombak besar hujan labat alhamdulillah baik jua inda batah. Dalam pukul 7 baru tah PA-iring ikut atu pun barai-barai jua lakat berangin tapi inda lagi beombak lah. Kesana kemari jua mencuba lah tiap 1 tempat kami aga atu ada jua naiknya, lau batah nada makan pindah lagi. Ada 1 tempat atu sampai 4 buah perahu bah mengail ah bisdia pun belurih umpak jua. Yang 1 tempat ani masa aing surut tia plang makannya tagap lagi tu sampai 2kg sekong.


14 ekong semuanya umpak ah


Yang ani 2.2kg ni

berahan langisi

Ani tah yang dihajati ni banarnya inda tia jua pajal bepesta umpak tah plang Alhamdulillah rezeki udah ni. Mungkin lain kali bepesta berahan hahaha mudah-mudahan jua ah amin amin.

kurisi bali

Iatah ganya ni luih kami kelamari sampai ke drop magpie udah mengunjar inda jua ada. Ani di takat 75 plang ada makan, udah sauh kami larat inda tia lagi ada makannya.

salman sama sulit

Salman sama sulit luih bejaul di Jasra hari Sabtu 7 Mei 2011

Bemasa, languran

Popperazi

Bemasa 22 kg

mengail dasar di Laut Tutong

Tahniah eh, bah bila tah ada peluang n ruang untuk ku ah hahahaaa.

berahan, umpak, sembilang, kerapu, ketambak

Dimalam aku sama chob mengail di kawasan Pantai Serasa sama Muara. Petang atu mengambil pumpun sama uwak2 kami dulu di Pulau Muara Besar ah. Mula-mula aing pasang atu siuk lah makannya, udah aing atu dalam kurang tia makannya. Ke sana ke mari jua mencuba. Ani kira belurih plang jua udah ni Alhamdulillah, tapi nya Si Chob biasanya pajal lagi bah ni. Mungkin pasal ada orang merawai kali, setiap tempat yang kami cuba atu ada saja orang merawai behampiran kami belabuh atu. Ada sekali atu sedang kami siuk-siuk mengail, melabuh rawai tia behampiran kami ah inda batah lapas atu inda tia lagi ada makannya tepaksa pindah lagi arah lain.
Udah aing menahan kan mula surut baru tah lagi ada makannya tapi masa surut atu melajak inda tia lagi ada.


Lain kali lagi Chob bukan kan mengail atu saja, tu nah kan belajar mengunjar uwak-uwak meliat matanya ah.

Yu

Yu ani lurih ngail dasar jua usulnya banyak ia bekawan bah pasalnya banyak kail kami putus. Iatah kali pasalnya nada lauk lain atu ah, atau memang inda belauk atu lauk atu inda mau makan. Aku baru jua pernah meliat ni Yu ah ada iting bah, apa kah jenisnya yu ani.

Amber Jack, jukut aji, pisang emas, awat-awat, rubi, yu

Capt. Precious, PAdamit, G Win sama G-Mi turun ke Drop Off. Kami ganya sebuah nada perahu orang lain antah ke mana kah bisdia ani, awal pagi atu banyak jua perahu basar turun tapi sebuah pun nada kami tejumpa di laut ah.

Iatah ganya lurih kami ni amber jack atu saja lurih G-Mi menjig yang lain ngail dasar tu. Alhamdulillah walaupun kurang memuaskan ada jua rezeki atu. Keadaan cuaca awal atu beombak plang tapi udah ahir atu menaduhi tia iatah panas pasalnya inda berapa berangin bah.

Bemasa

Popperazi
ngail dasar
bemasa 17.2kg

Tahniah eh rekod tahun ani tu

Languran

PA-iring sama Capt. Precious turun bersama BERKAT 7 (Popperazi)di Tutong

25 April. Dari pukul 5 ptg sampai pukul 5 pagi.

Trip ke Egret, Fairley sama Telisai Rig 57km offshore.

Languran luih menjig sama bejampa.

Sembilang, umpak, berahan & lapih

Nah belurih lagi Chob sama keluarganya mengail dimalam arah kawasan Pulau Muara Besar. Masa aing surut tia plang merancap makannya. Alhamdulillah rezeki ni.


Bah bila lagi turun bunyi-bunyi saja ah ok. Terima kasih Chob mengirimkan gambar ah.

umpak, berahan, sembilang, sapihi, langisi

Dimalam Chob sama bapanya mengail di kawasan Pantai Serasa ah iatah ni lurih-lurih bisdia ah. Umpannya pumpun sama uwak-uwak.


Belurih jua udah ni, lain kali ikut eh bolehhh.

AmberJack

Iatah ganya ni lurih kelamari menjig ah Amber Jack 6kg. Ombak taduh plang hujan ganya sekali sekala lah. Kesana kemari jua udah mencari nada berapa makan, aing atu sajuk di bawah bah. Ada jua Irwan belurih tengiri sama tungkul lah baru pernah menjig janya. Banyak jua jig tekorban lah kelamari atu aku saja 3, Hj Win 3 kali jua sama Tom 5 hahaha. Ada jua putus masa belawan sama lauk lah.

berahan

Lurih menjig di malam arah Iron Duke 4kg

Takat 75

Iatah ganya ni luih kami antadi ni di Takat 75. PA-iring, PAdamit, G-Mi sama Dini turun dari Muara. Mulanya kan mengail ampir-ampir saja, meliat keadaan cuaca yang taduh atu bah ke 75 tani eh taduh ni. Dalam pukul 3 ptg balik tah kami pasalnya ada lagi urusan lain kan diselesaikan. Syukur Alhamdulillah ada jua rezeki kami hari ani.

Tengiri

Ani PAdamit saja belurih ni

Yang ani luih popping

Ani luih jigging

Lantaran

Ani PA-iring sama G-Mi belurih ngail dasar

kepayang2

Ani PA-iring belurih ngail dasar makai papar

Anduping Lausu

Ani luih G-Mi ngail dasar beperambut

Ungah

Kelamari PA-iring sama PA-damit turun di Pantai Serasa. Mula-mula mengandang kembura kami dulu kira kan makai umpan hidup untuk mengail ungah ani. Malangnya inda banyak bah kembura ah ada 5 ekong pakah ganya. Lapas atu mencuba tah kami jua ke lubuk kami atu dengan hanya 5 ekong kembura ah. Rupanya ada jua PA-iring membawa basong-basong atu pun yang minggu lapas. Malam jua hari menunggu baru tah ada makannya makai umpan yang minggu lapas ani plang ia mau makan bah kan rezeki tah jua ah. Alhamdulillah batah udah menunggu tangahnya ani baru tia ada.