Hj Win, G-Mi, Pg Huzair, Roslan, Rozaizam
Drop Off
Mambangan, kurisi bali, kerapu, tengiri.
Posted by
0
comments
Menakat di 75
Monday, 23 January 2012
Iatah luih kami ni menakat di takat 75. Dari pukul 9 pagi kami tolak dari Jerudong, pukul 5 lalu balik tah kami dari sana. Tepaksa ngail beranyut ganya pasalnya inda bearus bah inda lagi berangin tu. Tungkul banyak plang belumpatan eh apa boleh buat meliat saja pasalnya nada membawa tunda.
Anduping lausu, kurisi bali, dapak, lantaran
berahan, languran sama lingkuh
Trip Jigging Malam
Malam minggu kami turun berempat G-Mi, G Win, Jef n Kamal.Betulak pukul 6 ptg daru Jerudon dan memang taget atu kan menjig saja nada umpan basong-basong di bawa. Malam atu cuaca dan umbak udah bagus tapi sayang inda bearus. Memandangkan inda bearus atu jig 100-150 gram saja kami gunakan. Disebabkan nada arus atu lauk kurang aktif dan riak languran sama bemasa nada keliatan hanya ikan lumba-lumba yang banyak keliatan mengejar lauk terbang. Dalam semalaman beunjar sana sini iath ganya ni uleh kami menjig sampai kesubuh.
Hasil Jef di Maharja berahan mega uleh menjig untuk pembukaan tahun 2012.
Berahan 4.7kg sama 2.2kg
(pst - pakai baju kuning mun kan mau belurih berahan hehehe...)
Drop Off
Tuesday, 17 January 2012
1st time turun ke Drop Off tahun 2012, trip ani pun nda di rancang saja-saja kan mencuba. Kami turun 4 orang PAiring, G-Mi, G Win sama Ndy. Pagi atu taduh plang tapi lepas saja area Champion beombak tia. Singgah tah dulu di Kapal Karam Iron Duke sama Maharaja menjig sekajap belurih jua tengiri sama tungkul 3 ekong lah. Dalam tengahari ombak atu makin taduh baru tah kami naik ke atas. Awal atu beunjar jua kesana kemari inda berapa makan mungkin keadaan arus melajak atu lah sekajapmata ganya anyutnya dari takat dalam GPS. Udah beunjar lagi dalam kul 4 atu baru tah ada makannya. Inda membuang masa tarus tah kami besauh memandangkan masa yang udah terhad. Macam-macam lauk jua uleh kami atu ganya hasil kurang dari kebiasaannya. Uleh kami atu ada kerisi bali, kerapu tiger, ruby, awat-awat, pisang emas sama iyu. Paling besar pun uleh kami atu kerisi bali anggaran 2kg labih. Dalam kul 6 baru tah betulak balik ke Jerudong.
Subscribe to:
Posts (Atom)
.jpg)
