tungkul / bakulan

Ani luarih bisdia Amir sama kawannya menunda di laut Pulau Pilong-pilongan hari Sabtu. Iatah tarus disalai malam atu masa BBQ ah nyaman jua eh panas-panas betalur lagi tu.

Tungkul

Iatah ganya ni lurih di malam menganjun sama menunda tungkul di kawasan Iron Duke.

Tungkul / bekulan

Tungkul ani lurih kami menjig di takat cantik.

Tengiri Sama Tungkul

Tungkul atu ada jua 8 ekong ada yang besar ada jua yang damit.

Tungkul / bekulan, banit / mangkuk-magkuk

Udah inda ada lagi makan menjig atu, ahirnya menungkul kami. Kali ani bedua kami menunda kiri kana bah aku sama c Jef di caruk, Hj Win sama G-Mi diburitan. Iatah inda batah kami belurih tu bebalas-balas bah kami menaikkan ah, kadang-kadang dua dua kami menaikkan. Ada dua tiga kali atu panuh bah pemata ah berisi lauk iatah barat tu menarik. Alhamdulillah panuh jua coldbox lah oleh tungkul ah 75 ekong semuanya. Cuba tah fikir kalau kami menunda sepanjang hari atu.

tungkul

Tungkul ani lurih menjig di Jasra ni.

Tungkul

Kami 4 orang G-Mi, Hj Win, Dini sama Kanai, turun di Jerudong dalam pukul 5 ptg kali, dalam perjalanan bearing trailer sebelah kiri mengalami kerusakan bainggut udah, tepaksa tah beranti ngusai dulu dikawasan lebuhraya Hutan Simpanan Berakas ah, Capt Awie sama Pa-iring datang membawakan bearing baru ah mendangani jua lah.

Dalam pukul 6.30 ptg baru tah kami sampai di Jerudong. Tarus tah saja kami ke kapal karam pasalnya keakhiran udah. Sampai sana nada makannya, lapas tu pindah kami ke Jasra masa atu umbak kuat pelahan tah ganya kami jalan ke sana. Sudah sampai, menjig saja kami, ganya inda banyak uleh kami. Malam atu banyak jua jig kami putus mungkin lingkuh lah yang mengarajakan. 2 kali jua kana ranjat inda lagi dapat dicontrol spool twin power 8000PG ah sama ocea jigger 4000p c Kanai (Irman) pun inda dapat control jua di lock abis udah dragnya masa atu, last2 putus tah jua olehnya.

Iatah ganya tungkul uleh kami ni anggaran 3 4 kg lah sekong, ada sekong atu kana cukai udah inda tau apa lauknya yang makan atu, pasalnya tungkul yang kana sambar atu anggaran 4kg bah tinggal kepala ganya lagi ngam ianya makan atu diranjatnya tarus ke bawah.

Teks sama gambar oleh Hj Win.

TUNGKUL

Malam Jumat G-mi sama Hj Win membawa C Ameng sama Chong menjig di Jasra sama ah takat-takat di Maharaja. Dari pukul 6 petang sampai 6 pagi esuknya.

Dalam pukul 7 lalu sampai di Jasra,mungkin ada pebelasan buah perahu udah ada di sana temasuk perahu bugis. Macam-macam jua lauknya lah Languran, Lingkuh, yang paling banyak Tungkul/Bakulan lah.

Iatah ganya uleh ku sama G-Mi ni 6 ekong tungkul, 3 lingkuh.

Mana inda lalai-lalai mengijas perahu ganya pasal masa atu berapatan perahunya lagipun tungkul bakumpul setampat atu ganya.

Aksi-aksi Ameng sama c Chong jigging tungkul ada jua dalam 20 ekong barat-barat 3kg, languran sekong

Hajat asal bisdurang ani kan menjig GT tapi inda ada malam atu, jadi betukar tia menjig tungkul

Ani teks asal Hj Win ni, aku tambah sikit-sikit saja. Terima kasih Hj Win lain kali buat cerita panjang-panjang ah ok, bisdia makai spool apa, joran, braided, jig, popper nya apa atu lah.

Kalau ada gambar-gambar dari bisdia C Chong sama C Ameng, ada ku poskan lagi tu ok. Yang ani lureh Hj Win menggambar ganya ni.

Tungkul

Semua tungkul ani belureh menjig saja ni 21 ekong lah.

Hj Win

Tungkul

Tungkul / bakulan

TUNGKUL

Tungkul ani pun Padamit belurih menjig jua ni sekilo labih lah, udah pertengahan aing baru tah ia menyambar, mula2 fikir tingiri udah ampir rupanya tungkul. Tungkul ani dulu naik lah baru tah belurih tangiri atu. Lepas atu inda tia lagi ada tengiri ah, lingkuh tia plang mengambil alih tempat atu.

TUNGKUL

Tungkul atau bekulan oleh menunda ni pematanya atau perambutnya biasanya 7 atau 9 tu. Kadang 2 3 ekong ganya tu yg dapat tapi pernah plang jua penuh tu.

TUNGKUL

Kelamari kami turun di jerudong aku, Jimi, Fian sama Hj Win 1st time ikut precious anglers, awal2 nganjun dulu lah untuk umpan payah kan belurih 2 3 ekong ganya. Mula2 kami ngail di iron duke ada jua makannya tapi inda mau dapat lauk badamitan kali bah. Lapas atu mencuba kami ah bagas maharaja inda kami batah ngail pasalnya kuat hantap arus atu nada jua makannya, kami tah plang yang makan (lunch) hehehe. Lapas makan mencuba kami lagi ah takat timbul ada jua makannya lauk putih sama languran.

Fian 1st time balurih languran ada jua kali 2 kg makai krikan umpan boneless sulai, sakit tia jua tangannya Jimi tah lagi menarikkan.

Iatah ganya ni lurih kami ah tungkul 20 ekong, lauk putih 2, languran 1, lauk damit2 banyak plang tu macam kerapu, kurisi, sulit merah, pisang2. Hj Win 2 kali putus ia menjigging sekali lapas, inda ia puas hati nya kan mencuba ia lagi lain kali mun ada peluang nya. Sabar saja bro hj win lain kali pakai tia awal2 twin power atu inda menyasal.

Hj Win, Padamit, Jimi n Fian

Syukur tah jua lah walaupun inda banyak tapi inda jua balik kosong. Alhamdulillah