Bermalam Di Pantai Serasa

Bermalam di Pantai Serasa bersama ahli keluarga, bermacam-macam aktiviti kami jalankan. Termasuklah memukat, membintur dan yang pastinya mengail lah.

Pa-iring mengikat umpan di dalam bubu bintur

Bintur pun inda ketinggalan untuk dimodenkan, camani tah usulnya bintur moden ah ada yang berbentuk bulat ada jua yang bentuk empat segi.

Anak-anak lah yang paling suka ni apabila ada aktivit luar ani macam beriadah dan kerkelah di pantai. Pada masa ani tah jua untuk berjumpa dang sanak, peradian dan sepupu.

Aku memerhatikan anak buah sedang mengail, yang baru jua kan bejinak-jinak dalam dunia mengail ani.

Pantai Serasa

Begambar kenangan bersama ironsilk semasa beliau mengail sorang2 di ujung pantai serasa.

Pantai Serasa

Ani mengail sama keluarga di Pantai Serasa disebelah Ungah Garden ah, bukan saja mengail sambil mukat sama membintur jua lah. Bermalam jua selajur di sana lah tapi tengahmalam ada jua yang balik lah.

ngail di UG Serasa

Hari Sabtu lapas Padamit Budamit sama Dang Damit mengail di Pantai Serasa arah Ungah Garden (UG) panggilan bisdia lah, inda jua mengail banar lah saja kan membawa Dang Damit (Farahiyah) kami ani main2 di pantai mengasting sambil meliat2 orang bepesta mengail ungah atu. Berapa hari udah tu ku dangar orang belurih ungah di UG atu ada yang sampai 20 ekong sehari bisdia belurih campur semua lah bukan seorang 20 ekong eh.

Farahiyah ani iski ia bah usulnya mengail ani bisai jua lah bedangan jua mun kan mengail ah. Bagitau saja fishing bah iski tia tu tepaksa tah dibalikan joran sama spool yang damit ganya inda pandai tahan inda batah bah olehnya. Kusut tangsinya tantu udah tu kadang2 sampai pacah bah bering spool mana inda mun kusut ah spool atu dipajalnya mengingkul inda mau kedapan kebelakang pusingnya. Mun anginnya kan mengail di rumah tia pabaik ngail tia tu, ngalih tah bapanya tu mana inda tukang umban ia menggulung.

yeeeehhhhh go ayah go ayah go ayah nya Farahiyah tu ia tah malar cakapnya tu setiap kali mengumban kasting ah. Ayah can i try yah. Ayahh ayaahhh aYAAAHHHHHH Farahiyah turn yah turn turn turn nya Farahiyah.

Mam Farahiyah turn mam, I got fish mam. No lah it just bait lah darling, no fish mam FISHHHH. Setiap kali ia menggulung memang ia cakap I got fish yeehhh i got fish mam.

Yang paling Farahiyah inda suka mun kan beranti balik bah, iatah munjung mulutnya tundukkannya kepalanya nada ia mau menaulih tu. Eh banar eh pandai belakun bah, tepaksa tah dimanis-manisi lagi tu dibagitau membali aiskrem ah mun atu payah ia kan menolak tu.