languran

campur2

Bemasa, languran, lingkuh

Popperazi, Andy n Balum
Popping sama jigging
Di Kawasan Magpie

Berahan, sapihi, kerapu, sembilang macam2 lah

Hj Sham sama kawan2nya jua ni belurih arah lubuknya.

Bah Hj Sham bila kau kan membawa aku, pabaik pakai perahu ku saja. Ani belurih nada membawa-bawa bah, musim beombak ani tah bisai ni mengail di dalam.

Berahan n Kerapu

Hj Sham sama kawan nya belurih ni arah lubuk bisdia ah.

umpak, berahan, langisi, sapah-sapah, kerapu

Ani luih kami hari rabu 13 Julai 2011 malam hari khamis. Kami makai umpan pumpun sama uwak-uwak. Kami mengail di kawasan Pantai Serasa sama Muara, Alhamdulillah ada jua rezeki kami mlm atu.

Santak, kurisi bali, belais tembaga

Hari minggu 10 Julai 2011. Mengail dasar takat-takat di atas Maharaja. Sekong saja kurisi bali yang basar atu belurih menjig di Kapal Maharaja.

Drop Off

Drop Off 2 Julai 2011
Awat-awat, uji rasid, aji-aji, tungkul, senuhong, rubi, berahan kunyit, kurisi kaling, durian-durian

senuhong, tungkul n amberjack

Ungah, berahan, berahan sulit, languran, bemasa, lingkuh, kerapu

Kami 5 orang Capt. Precious, PAdamit, G-Mi, Dini sama Kanai. Mulanya kan menakat ganya 71km dari Pantai Jerudong sekong ganya Capt. Precious belurih sulit ah. Lapas atu turun dalam 20km arah takat timbul ah. Di sana baru tah ada makannya, mengail dasar belurih kerapu sama ungah, jigging belurih berahan, lingkuh sama languran, bemasa atu luih popping.

Bemasa 1, languran 10, berahan 1, ungah 1, lingkuh 2, kerpau 1, sulit 1

PRECIOUS II menjerit

berjaya mengulangi kegemilangan PRECIOUS
mudah-mudahan selepas ani PRECIOUS II dimurahkan rezeki,

belurih lebih banyak

Insya Allah hari minggu ani PRECIOUS II buat pertama kalinya akan mencuba nasib di DROP OFF bersama-sama PRECIOUS,

mudah-mudahan jua cuaca atu taduh ah .

campur2

Alhamdulillah rezeki makai perahu baru iaitu PRECIOUS II. PA-damit, G-Mi, Languran, Kamal sama Jef Jeruju kami belima, Hajat atu kan ke Drop Off plang tu tapi inda kesampaian. Dalam perjalanan atu kejumpahan kami takat mengamparai, apa lagi mencuba tah kami menjig 2 ekong naik kurisi bali. Lapas atu mengail dasar tah kami umpan basong2. Awal pagi atu bisai pajal makannya udah ahir sedikit kurang tia, lakat plang ada makan atu ganya sekong-sekong jarang-jarang bah. Ada jua 2 3 buah perahu lain lah yang mengail behampiran kami atu.

Mun udah camani lauknya jangan tah ke drop eh sini tah tunggui mutik-mutik. Macam-macam tia lagi lauknya inda tah kami jadi ke drop off. Alhamdulillah rezeki kami hari atu kurisi bali, berahan sulit, membangan, kerapu, awat-awat, ayam laut, belais tembaga. Lain kali lagi mencuba lah kalau cuaca atu mengizinkan Insya Allah.

berahan. umpak, langisi, sapihi, gumbir,

Luih kami dimalam arah lubuk biasa.

langisi, berahan, umpak, sepihi, lapih, kerapu, sapah

Ani luih kami hari Isnin dari petang sama esuk paginya. Separuh udah kana sambar tengahmalam ah pasalnya 3 orang balik, tinggal lagi kami 3 orang meneruskan sampai ke pagi kalang jua mata. Alhamdulillah ada jua rezeki kami lagi .

Agut2, kepayang2, kurisi bali, anduping lausu, lapih, umpak

26 Mei 2011

Ani bisdia Amir cama Awang ni belurih bejaul arah takat-takat di zon 2. Mula-mula membuang raba dulu ampir2 ganya lah di kawasan Pulau Pelumpong ah. Udah lapas tengahari baru tah bejaul lagi ke atas. Alhamdulillah iatah rezeki kami ni hari atu. Insya Allah esuk kami ngaga lagi.

Terima kasih Amir, Awang sama Chob mengantarkan gambar untuk mengisi
blog kami ah.

lain kali hantar jua lauknya atu ah ok.

Amber Jack, jukut aji, pisang emas, awat-awat, rubi, yu

Capt. Precious, PAdamit, G Win sama G-Mi turun ke Drop Off. Kami ganya sebuah nada perahu orang lain antah ke mana kah bisdia ani, awal pagi atu banyak jua perahu basar turun tapi sebuah pun nada kami tejumpa di laut ah.

Iatah ganya lurih kami ni amber jack atu saja lurih G-Mi menjig yang lain ngail dasar tu. Alhamdulillah walaupun kurang memuaskan ada jua rezeki atu. Keadaan cuaca awal atu beombak plang tapi udah ahir atu menaduhi tia iatah panas pasalnya inda berapa berangin bah.

Sembilang, umpak, berahan & lapih

Nah belurih lagi Chob sama keluarganya mengail dimalam arah kawasan Pulau Muara Besar. Masa aing surut tia plang merancap makannya. Alhamdulillah rezeki ni.


Bah bila lagi turun bunyi-bunyi saja ah ok. Terima kasih Chob mengirimkan gambar ah.

umpak, berahan, sembilang, sapihi, langisi

Dimalam Chob sama bapanya mengail di kawasan Pantai Serasa ah iatah ni lurih-lurih bisdia ah. Umpannya pumpun sama uwak-uwak.


Belurih jua udah ni, lain kali ikut eh bolehhh.

Anduping, kerapu, pisang

Tengiri, tungkul sisik, lingkuh

Turun hari minggu dalam pukul 6 keluar kuala Muara macam biasa memapar umpan dulu di lawa-lawa buluh. Tapi macam biasa tia jua umpan atu, inda berapa makan aur-aur atu.

Rumahan sama temanung tah ganya yang makan. Last last berikat tah kami di buluh atu, yang membagi sakit hati tengiri atu inda beranti makannya ganya inda mau dapat. Ada-ada saja cara nya kan lapas atu. Iatah rezeki kami 4 ekong tengiri sama lingkuh sekong ulih mengambur pakai aur-aur hidup. Lapas atu menyampati lagi kami menunda, ada jua lah makannya tungkul sisik ah 10 ekong. Syukur Alhamdulillah ada jua kan dimakan.

By : Chob @ Pendekar Laut

Chob @ pendekar laut

Turun hari minggu pagi dalam pukul 6 atu lah menurunkan perahu... mula-mula mengambil umpan kami dulu... payah umpan atu... banyak udah lawa-lawa kami aga tapi gagah nada makannya... last-last kami kami aga tah arah lawa-lawa buluh... baru tah ada aur-aur... atu pun inda berapa banyak lurih kami... dalam kami mengambil umpan atu nampak tah kami salah sebuah perahu yang berikat atu menarik tengiri... apa lagi inda tahan hati mencuba tah kami jua... balum batah berikat inda sampai 2 minit ada tia makannya tengiri atu... apa lagi dalam hati memang tah pajal tengiri ani naik tah sekong tengiri dalam 1.8kg saja lah, rupanya iatah ganya tu sekong ah yang kalok makan... mau inda mau betawakkal tah kami menuju kelaut lagi dengan berbekalkan umpan yang sedikit ganya. Ada jua lah kurisi bali, anduping putih, lingkuh & kurisi iatah ganya tu ulih kami.

by : Chob @ Pendekar Laut