Kalakitok

Di malam kami mengandang di Ujung Sapuh, macam-macam lah lauknya andapong, tangat, belais, bilis, bulan-bulan, udang, katam, kalakitok, garut-garut, kapas-kapas, titir. Sekali labuh ganya lah pasalnya ada jua orang lain mukat bah. Alhamdulillah rezeeekiiii.

Gulama

Belais

Tangat

Bulan-bulan

lurih kami mengandang di malam di Ujung sapuh ah kan 2kg lah

Memutik Kapas-kapas

Video ani sumbangan Chob.

Batah udah video ani, untuk kan dikongsi bersama pengalaman ani. Kapas-kapas atu bagas kami mengikis plang tu. iatah yang lapas melasut dari panir pukat atu bekubur ia, kami putik tah mana yang nampak atu. Inda jauh ni, di Pulau Pelumpong atu ganya. Kalau kan menyambangi waktunya ada kapas-kapas ani iatah mesti aingnya tuhur awal pagi tu, macam dalam pukul 6 atu lah. Aing atu pun mesti jua nada ombak luan kuat memacah di tambingnya atu. Yang paling penting mesti aingnya jeranih lah.

Berah-berahan

Nah lagi berahan 5.6kg Chob belurih.

Tangat

Tangat ani lurih mukat ni di Ujung Sapuh, mermbat pun ada jua.

Ungah

Ungah lagi di Ujung Sapuh hari jumat malam sabtu, Alhamdulillah rezeki.

Kulapis

Andapong sama belanak

ungah

Andapong sama belanak

Iatah ni lurih kami dimalam merambat sama mengail lah di Ujung Sapuh makai umpan kembura. Ungah, andapong, belanak sama kerapu (inda tegambar).

Rezeki tah jua banar, yang basar atu melompat ke dalam perahu bah arah enjin ah iatah bedua menangkap supaya inda melompat keluar semula, alhamdulillah rezeki. Mun inda 3 ekong tu yang 2 ekong atu inda cukup tinggi lompatnya, alum kan rezeki tu. Belanak yang bedamitan atu lurih merambat tu.

Ungah

Capt. Precious 2 ekong, Dini sekong sama Wann sekong. Awal atu bisai angin atu alum lagi pukul 7 berubah tia, beombak tia inda tah berapa bisai mengail, cubaan.

Alhamdulillah ada jua rezeki kan dibawa balik.

campur-campur

Ani pun sumbangan Chob jua

lauk-lauknya kerisi bali, anduping putih, jukut aji, tengiri.

Ani bisdia belurih arah takat di bawah Champion bejaul umpan aur-aur beslice.

Tengiri

Gambar ani disumbangkan oleh rakan sepangailan iaitu Chob, ceritanya inda tau camana ni. Di mana bisdia mengail, teknik apa, berat lauknya pun inda tau jua ni.

Bisdia belurih ani 24 September.

Ni nah ceritanya, bisdia belurih tengiri ani arah lawa-lawa buloh makai ambur saja, umpannya aur-aur hidup.

Terima kasih Chob mun ada lagi lain kali kirimkan ah ok, kalau boleh ada ceritanya sedikit pabaik asal ada bah inda jua orang tetanya-tanya inda ja. Ani aku pun tetanya-tanya ni, membari iski jua meliat bah lureh kamu atu.

Ungah

Dimalam aku sama Fian turun kan mengail di hujung sapuh tapi nada umpan. Membawa tah kami pukat kembura yang udah lapang melapang bah, antah inda ku tau siapa punya pukat plang tu ah. Udah kami sampai di ujung sapuh memukat kembura tah kami dulu kirakan dibuatkan umpan lah kononnya. 2 kali kami menggagar sekong lauk pun inda ada ani bah aing pasang jua udah. Bah sekali lagi lah apa saja lauknya buatkan umpan tia saja, mun inda ada jua balik lah. Kali ketiga kami melabuh pukat atu ada tia kirang-kirang 3 ekong, garut-garut 2 ekong, belais sekong sama kapas-kapas sekong. Bah iatah umpan tani ni Fian mengail tah sekajap pabaik asalkan sampai hajat. 3 ekong kirang-kirang kami buatkan umpan sekong potong 3 hahaha rasa jua kan mengail tu ah. Alum jua sampai 5 minit melabuh kana ranjat tia kail c Fian ah, lapas atu mis kul tia ganya nada lagi naiknya, balik-balik lagi menyangkut. Udah habis umpan balik tah kami sekong atu ganya naiknya.

Jukut Aji

Pa-iring, G-Mi, Dini, Kanai sama G Win turun hari Sabtu ah betolak dari rumah pukul 8.30. Banyak tempat udah kami aga kapal karam ironduke, kapal karam maharaja, takat cantik, takat 75 inda jua ada makannya.

Hajat kan menganjun mengambil umpan hidup tapi belurih antah apakah lauknya baratnya kan sekilo macam anak aji-aji ada jua usulnya.

berahan

Inda berapa belurih siang atu menyambung tarus ke malam barutah ada makannya belurih jua berahan basar sekilo labih.

Ani uleh Dini menjig dari siang sampai kemalam barutah ada sambarnya belurih berahan anggaran sekilo jua lah.

Lingkuh

Keadaan aing taduh jua lah ganya hangat suam-suam kuku inda lagi berangin komfom berabus di laut ditambah lagi arus laju.A

Buat-buat menunggu umpan hidup kana makan sambil-sambil atu G-Mi menjig dulu belurih ia linkuh beratnya kurang pasti pasalnya udah bekarat dibuatkan umpan ungah sama berahan.