uji rasid (sweetlips)

membangan

sulit hijau

baby aji-aji

pisang emas

bakulan kembayau sama tungkul bom

Kurisi kaling (kurisi bagol)

Drop-off

Setelah beberapa trip ke Drop-off tidak kesampaian. Akhirnya pada 19 Jun 2011 PRECIOUS II buat pertama kalinya menguji nasib di perairan Drop-off. Kebelakangan ini cuaca agak tidak menentu dan susah untuk diramal. Pada mulanya keadaan laut agak sederhana, hanya alun yang sederhana dan tidak rapat. Apabila tiba di kawasan drop-off, angin mula bertiup kencang dan alun disertai dengan ombak. Dengan harapan tinggi kami menunggu hingga akhir, harap-harap laut akan kembali tenang. Tetapi sepanjang hari laut agak bergelora. Ada dikalangan member tidak lesu-lesu 'menabur'. Kesibukkan melayan tarikan ikan sedikit sebanyak dapat mengubati sesi 'menabur'. Alhamdulillah hasil tangkapan agak memuaskan juga, memandangkan keadaan laut yang susah untuk memancing. 80% tangkapan dengan kaedah drifting. Bot-bot yang berhampiran melapurkan tangkapan yang kurang memuaskan. Hasil tangkapan terdiri daripada ungah, semperiding laut, sea bream, kurisi bali, membangan, kurisi kaling (bagol), pisang emas dan kerapu.

By ; Azman (languran)

Ungah, berahan, berahan sulit, languran, bemasa, lingkuh, kerapu

Kami 5 orang Capt. Precious, PAdamit, G-Mi, Dini sama Kanai. Mulanya kan menakat ganya 71km dari Pantai Jerudong sekong ganya Capt. Precious belurih sulit ah. Lapas atu turun dalam 20km arah takat timbul ah. Di sana baru tah ada makannya, mengail dasar belurih kerapu sama ungah, jigging belurih berahan, lingkuh sama languran, bemasa atu luih popping.

Bemasa 1, languran 10, berahan 1, ungah 1, lingkuh 2, kerpau 1, sulit 1

PRECIOUS II menjerit

berjaya mengulangi kegemilangan PRECIOUS
mudah-mudahan selepas ani PRECIOUS II dimurahkan rezeki,

belurih lebih banyak

Insya Allah hari minggu ani PRECIOUS II buat pertama kalinya akan mencuba nasib di DROP OFF bersama-sama PRECIOUS,

mudah-mudahan jua cuaca atu taduh ah .

berahan sulit

Ani Capt. Precious belurih mengail dasar dalam 3 kilo lah.

berahan

Ani Dini belurih menjig dalam 2 kilo lah beratnya.

lingkuh

Ani luih jigging ada jua dalam 4 ke 5 kilo pakah eh.

Ungah ani luih ngail dasar ni umpan sekong basong-basong atu tekait arah mata mun udah kan rezeki atu ah di mana tia saja ia tekait asalkan ia dapat. Alhamdulillah ungah 1.9 kilo.

bemasa

Ani aku belurih popping ni bemasa 8.9 kilo. Nada membawa rod popping membari garam hati jua meliat ia menguyung lauk bedamitan betimbulan atu. Sekalinya pakai rod jigging tukar jig pakai popper halco udah asalkan popping saja, nah belurih jua bemasa iatah jua ganya sekong ani, 2 kali lapas alum tah rezeki ku tu.

campur2

Alhamdulillah rezeki makai perahu baru iaitu PRECIOUS II. PA-damit, G-Mi, Languran, Kamal sama Jef Jeruju kami belima, Hajat atu kan ke Drop Off plang tu tapi inda kesampaian. Dalam perjalanan atu kejumpahan kami takat mengamparai, apa lagi mencuba tah kami menjig 2 ekong naik kurisi bali. Lapas atu mengail dasar tah kami umpan basong2. Awal pagi atu bisai pajal makannya udah ahir sedikit kurang tia, lakat plang ada makan atu ganya sekong-sekong jarang-jarang bah. Ada jua 2 3 buah perahu lain lah yang mengail behampiran kami atu.

Mun udah camani lauknya jangan tah ke drop eh sini tah tunggui mutik-mutik. Macam-macam tia lagi lauknya inda tah kami jadi ke drop off. Alhamdulillah rezeki kami hari atu kurisi bali, berahan sulit, membangan, kerapu, awat-awat, ayam laut, belais tembaga. Lain kali lagi mencuba lah kalau cuaca atu mengizinkan Insya Allah.

berahan sulit

membangan

kurisi bali

kerapu

belais tembaga