BEMASA (GT)

Jimi

Yang ani 15kg labih sikit lah

yang ani 31kg yang dalam majalah pengail iatah ni, mengambil sukut nya orang tua2 begambar sama lauk CP Awie


semua ani GT ani belurih makai popping saja ni

Ani dalam 9 ke 10 kilo ni

KETUMBANG

Ni nah ketumbang bisdia belurih dimalam ah, mun inda ada lagi naiknya tu nya c Irman Kanai, alum tia kan rezeki tu nya putus bah barangkali dibawanya menyusup-nyusup ah batu atu kali bah iatah memberinya putus atu. Syukur Alhamdulillah dapat jua menaikkan sekong jadi tah.


Ketumbang ani barangkali dalam setengah kilo pakah usulnya lah.

.

UNGAH

Dimalam Precious Anglers (PA) Pa-iring, Jimi, Dini, Kanai sama Jef turun ngail ungah di tempat biasa Precious Ungah Garden Ujung Sapuh. Makai Mini Precious ganya bisdia. Alhamdulillah belurih jua bisdia 9 ekong ungah sekong kerapu 1 ketumbang.

Dini sama ungah nya barang kali dalam sekilo labih pakah tu, kan ku timbang udah dimalam jangan tah nya.

Sori ah gambarnya kelurusan tia jua inda tarang gelap bah, dari baju putih Pa-iring, Dini, Irman kanai, Jimi n Jef

Jef hat trick dimalam, ungah nya ani ada jua dalam sekilo kali lah. Nyaman tidurnya ni karang c Jef ah mana inda makan ungah fresh hat trick lagi tu.

Tahniah semua PA Alhamdulillah ada rezeki dimalam. Karang malam giliran kami plang ah liat saja esuk apa lurih kami ok. Mudah-mudahan kami berezeki jua ah amin.

SELUNGSONG

Malam minggu 28 November 2009 kami ngail di Sungai Bunga sama di Pudak nada belurih, mencuba kami lagi di Sg Matan pun nada jua makannya eh ada sekong sembilang Hj Win belurih ampir jua kali setengah kilo lah. Lapas atu hujan tia jua betaduh tah kami ah minyak pelambaian ah sambil mengail lah jua, iatah di sana Hj Win belurih selungsong ah pun ampir setengah kilo jua. Buat-buat atu taduh tia jua hujan ah barai-barai lah, masa taduh atu tah kami balik. Mula-mula ngantar Hj Win dulu di Serdang lapas atu kami balik ke Serasa, dari pulau keingaran sampai ke pulau bedukang ah beombak bah. Alhamdulillah sampai jua ke rumah.

Udah di rumah baru tah begambar atu pun sendiri ganya, sembilang inda tekanang kan menggambar mun udah basah kuyup mana tah lagi kan tegambar. 2 ekong atu tah ganya yang naik malam atu.

ANTAH

Ani diantaranya bisdia belurih masa hari minggu ah, ganya inda tau apa nama lauknya. Udah plang ditanya ah lauk ah sampai ani alum tia menjawab hahaha. Siapa yang tau atu cuba deh bagitau kediaku ah.

Inda berapa jelas bah cana usul kulit/warna badannya atu tekana cahaya lampung kamera ah.

Rumahan laki

Rumahan laki bisdia belurih menganjun saja ni masa hari minggu, semua sekali ada jua pebalasan kg rumahan ah yang ani udah bebagi-bagi ni. Ada jua plang lauk lain bisdia belurih. Iatah ingau plang hati bah mana inda kan nganjun rumahan jua kan ngail lauk lain jua bebalah bagi bah rasa atu.

Al Hamdulillah. Pebalasan kg atu banyak jua udah tu mun ganya kan umpan ngail tengiri, au mun kelurusan pajal tengiri atu puas jua menaikkan tengiri eh.

SUHONG / SENUHONG

Udah di rumah begambar lagi bisdia sorang-sorang lapas atu betiga lagi


Ni nah Do Re Me begambar sama suhong ah

Nyaman banar hatinya eh C Jef ah apa inda, dapat menaikkan sekong bah tu

Macam migang senapang Hj Win ani macam main gitar ada jua, posing apa kan tu yang banarnya ah Hj Win

Pernah plang udah belurih ni tapi nada begambar, ani ia ada lagi ani baik tah begambar eh nya Jimi ah untuk kenang-kenangan bah

SUHONG / SENUHONG

Jef belurih sekong suhong/senuhong ah tapi semua ia membawa balik suhong ah nada yang mau membawa ia tah yang sapu habis lah. Macam koboi jua udah Koboi Laut lah cana Jef ok tu.

C Jef menolong menaikkan suhong ani saja yang banarnya CP Awie jua yang strike tu kira hat trick lah tu. CP Awie memberi peluang ah C Jef untuk merasai sama memain suhong atu bah cana kah kekuatannya.

Nah tu melompat-lompat lagi ia suhong ah, cun jua ah siapakan ni yang menggambar ah tecabar C Jef ni.

Eh dijuluri lagi tu Jef, memberi garam hati jua tu ah, inda apa Jef udah di rumah masak dulu gigit tia puas-puas tadi ko julur aku ja.

Bah bisai-bisai mengait ah jaga lapas kan ku makan ni karang masak kicap hahaha nyaman tu ah, sia-sia pun

Akhirnya tewas jua suhong atu oleh C Jef setelah beberapa minit memain berjaya tia jua menaikkan ke perahu. Cana tah jef siuk jua mainnya atu ah macam tengiri kah mainnya.

SUHONG / SENUHONG

CP Awie belurih 2 ekong suhong/senuhong ah, inda lagi tetimbang berapa kg beratnya.

trip

Baru kan bertolak dari Jerudong dalam pukul 11 pagi hari Isnin
30 November 2009
CP Awie, Jimi, Jef sama Hj Win.
Inda belaku jauh pasalnya keadaan laut berombak sama berangin

Relax jua kan kelaut kah kan kemana ni Hj Win. Lain macam saja posing atu macam kalat mata ada jua, inda cukup tidur kah.

Jurugambar ani inda jua mau-mau ni mesti ada jua gambarnya ni hahaha jangan marah Jef ah baibun bah.

Apa kan tu Hj win buat atu ah ?

Mula-mula aing atu tuhur udah jauh sikit baru dalam tu, iatah Jimi menurunkan semula enjin atu.

KETUMBANG

Gambar2 ani adalah ulih ku ngail di malam. ceritanya cemaniAku atu luan-luan keboringan wah.Iatah..... dalam kul 5.30 atu ke pasar jerudong ku. Kira ku kan membali lauk. Sekali ku liat aying laut atu bisai usulnya. Apa lagi ku tepon biniku.... nyangku inda ku balik tarus ngail ku di JPMC. Dalam kul 5.45 ku datang rah batu ngam2 dapan JPMC atu.Ku tahan tah kailku di sana..... alum batah banar kira2 dalam kul 6.10pm kana tarik kailku...... Nyaman atiku sekalinya yang naik atu KETUMBANG. Inda jua basar lah tapi udah ku timbang di rumah baratnya 425gram. Kan setangah kilo jualah. Pas atu..... kailku sebuting kana ragat tia jua. Yang naik atu lauk SAMBILANG. Inda basar dalam 300gram jua.Apa yang membari sakit hatiku ialah kerapu. Ada jua basar lamak kakiku. Ujung2 batu udah. Sekalinya meragat atu..... tarus putus kailku. 50lb udah ku pakai atu. Bah atu sj yg dapat ku kongsi untuk hari ani padamit ah..... lain kali lau ada, ada ku emelkan lagi tu.

Teks asal dari JEF sendiri, ku copy saja dari email nya atu, inda banyak masa ku kan mengarang sibuk saja bah. Terima Kasih JEF mun ada lagi emailkan saja ok sama ceritanya tarus ah inda ku payah lagi mikir-mikirkan hahaha jangan marah ah.

teka-teki

Dimaklumkan kepada semua angler

pemenang teka-teki kitani atu adalah,

MAMA MIA

jawapan sebenarnya ialah

BELAKANG HJ WIN

tahniah mama mia.

Ada Padamit ngantar hadiahnya tu tunggu saja ok

UNGAH GRAND PRIX

Bahagian 5

Penyampaian hadiah diteruskan jua subuh atu pasalnya ada yang kan mulih lapas atu. Penyampai hadiah untuk kategori malam atu lah siang lain lagi tu, iaitu kategori Perseorangan Ungah Paling Basar, Lauk Ganjil dan Ungah Paling Damit. Kategori kumpulan Paling Banyak Belurih. Hadaiah disampaikan oleh Pengerusi dan Team Jemputan.

Jef jurugambar Ungah Grand Prix kami ani mendapat hadiah untuk Ungah Paling Damit, walaupun damit nyaman jua hati tu dapat hadiah bah. Hadiahnya atu disumbangkan oleh Hj Win Sdn Bhd tu, pemata steel sama kili2 lupa ku apa jenamanya.

Mohet ani ia mendapat Lauk Ganjil antah apa kah nama lauknya. Hadiahnya disumbangkan Oleh Popperazi dan ia sendiri jua yang memilih pemenangnya atu. Bungkusannya Liverpool plang tu tapi isinya barang2 kail tu eh popperazi ganya yang tau ni ia membungkus sendiri. Nanti tah betanya ah c Mohet ani apa kah isinya bungkusan Liverpool ani.

C Awi ani wakil saja ni, C Boy manang kategori lauk pertama iaitu ungah, ia awal balik malam atu iatah wakilnya tah ganya inda apa tu Boy, tahniah ah

Joseph menang Kategori Ungah Paling Besar iaitu 1.6kg, hadiah sumbangan Deep Blue Fishing spool sama joran, pun inda ku ingat apa jenamanya. Eh Mun inda 3 kategori ni c Joseph manang, Ungah Paling Basar, Lauk Ganjil ia jua Lauk Pertama. Tapi inda dikira, ada kan ku terangkan dalam post yang Bahagian 4 kali ah.

Tahniah diucapkan kepada yang menjuarai kategori-kategori yang dipertandingkan, yang lain atu teruskan usaha jangan kecewa atu udah rezeki masing-masing tu ok. Terima kasih diucapkan kepada penyumbang-penyumbang hadiah terutama sekali DeepBlue Fishing, inda lupa jua Hj Win, Duwan dan Fee Yant.

UNGAH

CP Awie, Popperazi, Raman, Dom sama Jef dalam perjalanan menuju ketakat timbul di Ujung Sapuh iaitu tempat kediaman Ungah, kira macam Ungah Garden jua lah. Sampat lagi menggambar, begambar sendiri lagi tu baik cun ah.

Ni nah ungah bisdia belurih di Ujung Sapuh ah masa malam rabu, ungah 7 ekong kerapu 2 ekong. Entah siapa saja kah yang belurih ni, perasan ku c Jef heng malam atu belurih 3 ekong ungah. Alhamdulillah berezeki jua malam atu syukur tah.

Lain kali lagi kami mencuba, ada kawanku atu alum puas hati bah ia alum lagi menaikkan ungah yang labih 1kg bah. Sabar saja kawan nanti mun rezeki ada tu.

Nah nyangku c Jef nyaman banar hatinya belurih 3 ekong ah, ia ganya begambar orang lain inda begambar ungah ah.

Hari Raya Aidil Adha

ASSSALAMUALAIKUM
SELAMAT HARI RAYA AIDIL ADHA

SEMOGA JEMAAH HAJI PADA TAHUN ANI SELAMAT KEMBALI KEPANGKUAN KELUARGA KAMPONG HALAMAN DENGAN MENDAPAT
HAJI YANG MABRUR
AMIN YA RABBAL ALAMIN.

teka-teki

Cuba teka ni belakang siapa yang kana gambar ani ?

Siapa yang lurus meneka hadiahnya tangsi 50Ibs 400 yard.

Gambar ani diambil semasa kitani mengadakan Ungah Grand Prix di Ujung Sapuh yang alum batah ani bah. Mun kan ikut meneka buat saja ah shoutmix ah jangan lupa buat nama jua ok. Mun banyak yang lurus tepaksa tah di undi lagi tu ah ok.

Jurugambar sama yang punya badan jangan tah ikut-ikutan ah ok
Hanya sekali saja dibenarkan meneka tapi boleh pilih 2 nama.
Nada bayangan nya
Ahli-ahli PRECIOUS ANGLERS saja
Pengabisan meneka 30 November 2009.


Selamat Meneka.

Siapakah yang punya badan ni ah ?

UNGAH

Dimalam 2 buah kami turun mengail ungah di US, Padamit, Jimi sama Hj Win makai mini precious, kami awal turun dalam pukul 5 lah. C P Awie, Popperazi, Jef, Dom sama Raman makai Precious ampir pukul 6 lah bisdia sampai di US. Inda tau ada kah inda bisdia mengambar lauk nya atu, semua sekali dalam 11 ekong pakah ungah ah tapi ada jua kerapu.

3 ekong ganya ungah kami belurih di Ujung Sapuh di malam, 1 ganya yang basar 2 yang damit. Syukur tah inda jua balik kosong dapat jua udah makan sama anak bini tu inda hj win. Lain kali lagi mencuba jangan putus asa mana tau ada rezeki belurih yang 1kg ke atas mudah-mudahan jua. Alum samapi hajat alum lagi puas hati tu. Dimalam baru tah pernah ungah di sana atu mau makan kasting tu nah yang basar ah.

Malar plang makannya atu jua ganya malar jua miskol di Ujung Sapuh atu kadang-kadang maxis tia, digi, celcom tia, tani sini makai dst sama Bmobile kalah bah nya c Jef iatah malar miskol atu nya hahaha. Au bekurapak ia eh c Jef ah mantang-mantang tah belurih 3 ekong, inda apa lah di malam kumpulan TANGAT paling banyak belurih ungah tu.