TAWIH

POPPERAZI

Tawih ani luihnya menjigging plang ni kan rezeki jua banar bah tekait di ekong ganya inda tau berapa kilo baratnya inda sampat menimbang.

Ia makai
Navi 8000PG
tali spiderman 50lbs

rod Figo (Big Fish)

Ngail ia jua makai krikan sekali kana tarik atu sibuk eh pasalnya ia atu kelurusan mempopping sampat plang jua ia memain lah tapi inda batah lapas tia jua alum tah kan rezeki nya. malam atu popperazi sedikit hampa jua lah pasalnya ia inda balurih mempopping bah nada yang baliur poppernya malam atu, biasanya mun kadia ani selalunya balurih bah popping atu jarang menghampakan. Sabar saja popperazi perkara biasa tu dalam dunia mengail ani inda kan balurih saja kadang2 ada jua inda blurih kan nda ja. Lapas raya ani tah tani memburu GT lagi mudah2an jua cuaca taduh ah cana, mau tanya Capt Precious dulu tu ah.

LAUKNYA KANA SAMBAR

DINI

Mun ngail di laut dalam ani inda membari hairan ni luih tani ngail atu kana sambar lagi oleh lauk yang labih basar inda tau lah apa lauknya tu ah inda nampak bah. Baru tah kan ikut turun udah ngail kana cukai tia lagi sabar saja mun udah rezeki ada ia lagi tu karang. Banyak plang luihnya malam atu campur2 lah yang baratnya inda sampai 1kg lah.

BULAN BULAN

DINI

Nah tu berkat orang sabar naik jua akhirnya bulan bulan syukur tah rezeki jua tu.
Bulan bulan ani banyak plang makan nya ni di jigging tapi kami mengamalkan tangkap n terelease hahaha

ANTAH

DINI

Apa kan ni nama lauknya inda ku tau nyanta
badan n warna macam ungah plang tapi matanya macam tepacul keluar usulnya mun ada yang tau atu bagitau ah ok






Malam atu makai krikan ia ganya membawa ia plang STELLA nya atu tapi langsung nada ia makai antah napa kah ia. Joran popping nya ketinggalan bah malam atu iatah inda ia belaku kan popping kecewa ia sikit lah. Batah udah inda ikut turun sekali turun ani kan mengerjakan GT n languran mana jua ulah sabar saja DINI ah lain kali lagi tani mencuba mana tau akan datang ani lebih berezeki mudah2an jua amin ya rabbal alamin.

TIP

Ada 1 pesanan dari Pahat Pahat Kuning (PPK) Geng Precious jua

Mun kan Kelaut atu nya jangan lupa membawa DUIT nya PPK
maksudnya yang tersirat

D - DOA (berdoa semoga hajat tercapai mendapat banyak lauk)

U - USAHA (berusaha mencari tempat2 yang banyak lauk untuk mendapat hasil yang memuaskan)

I - IKHLAS ( Ikhlas menerima seadanya setelah berdoa dan berusaha)

T- TAWAKKAL (berserah kepada ALLAH setelah berdoa dan berusaha dengan hati yang ikhlas)

TENGIRI

Popperazi (tengiri 6kg n 1kg)

Popperazi blurih 2 ekong tengiri 6kg n 1kg di laut Tutong
senjata yg dipakainya
Spool : Daiwa Regal 400-5i
rod : Daiwa Jupiter 10-25lbs
tangsi : Lemax 25lbs
umpan antah mau tanya popperazi hahaha.

BEKARA

BEKARA

Bekara ani ia balurih di laut jerudong yg banarnya ngail lauk plang tu tapi bekara plang yg dapat iatah rezeki tu namanya. Salah sorang geng Precious Pg. Wadud, kami selalu konvoi sama kedia ni mun kami kan ka dropoff. Kadang2 ia membawa orang jua ni mun ada yang mencatar perahunya ala aladin atu ah inda kira jauh kah ampir kah layan nya saja ni tapi pasal harga runding kedia lah mun mau. selalunya ia membawa orang ujung minggu lah, umpan inda ku pasti ada kah inda ia menediakan ah.

LINGKUH

Padamit

Lingkuh ani luih ku popping ah penurunan perahu d muara ah buat2 menunggu Capt. Precious, Popperazi n Jef datang, kami atu kan ngail udang galah di Batu Apoi Temburong. Iatah masa menunggu atu ada lauk damit2 lompat2 eh biasanya ada lauk basar menguyung ni apa lagi mencuba tah casting 2 3 kali mengumban rupa nya bemasa bah kira2 basar 2kg lah ikutkan nya ganya tapi inda ia baliur casting ku atu. Eh Mun bemasa mau ia di popping ni tukar tah teknik popping 2 kali mengumban kana sambar tia sekalinya lingkuh tia plang yang menyambar ah lingkuh pun lingkuh lah ada jua kali 3kg labih lah menguning ia sikit. Iatah lapas2 atu malar tah ku kesana menyambangi kali ada lauk lompat dapat jua kan d casting o popping kah sampai ani alum plang lagi ada hahaha.

Senjata yg ku pakai (yg 2nd hand ku bali ah G win)
Spool : Mitchell 300xe
Rod : Daiwa Heartland
Braided :power pro 30lb
Leader : Berkley 20lb

BEMASA (GT)

Jenis2 Bemasa (GT)

Giant Trevally, Silver Trevally, Gold Spotted trevally, Banded Trevally, Blue Trevally, Thicklip Trevally, Bluefin Trevally, Bigeye Trevally, Golden Trevally, Sand Trevally n Diamond Trevally.

Mungkin ada 2 3 jenis kali yg pernah kami dapat ni ganya inda tau apa jenisnya yg ku tau bemasa tia ganya tu tapi yg pasti nya Giant Trevally n Bluefin Trevally ani pernah udah balurih ni. Giant Trevally ani yg paling basar pernah kami balurih 34kg yg dinaikan oleh Capt. Precious makai teknik popping liat saja gambarnya d atas sekali ia tah tu, Popperazi pernah menaikan 27kg kali inda ku ingat lagi pun makai teknik popping jua, hahaha Padamit makai popping 15kg n krikan 15kg jua tapi kan mau jua merasai tu yg 30kg ke atas ah.

SELAMAT MENYAMBUT NUZUL ALQURAN

ANTAH

Dini

antah apakan ni nama lauk ani usulnya macam buntal plang, siapa yang tau tolong dih baritau.

Member kami sorang ani batah udah nada join ni, masa ani standby saja ia nya pasal bininya kan beranak inda lagi batah mun ku inda silap 3/9/2009 ani kah. Kami doakan semoga selamat melahirkan anak yang ke 4 di bulan puasa ani sama-sama tani berdoa supaya dimurahkan beranak amin amin ya rabbal alamin, jangan lupa ah mun ia baby boy bagi nama Ramadhan ah hahaha.

Ada geng kami c Jef membagi tau nama lauk ani bukan BUNTAL KABAN kah nya.

Nya popperazi bukan buntal kaban nya kalau bisdia melagau BUNTAL KIPAS.

BERAHAN

Jimi n Aji

Berahan n ungah ani bisdia baluih ah kapal karam ampir iron duke ada plang jua lauk lain tapi ani ganya bisdia gambar hahaha

BERAHAN

Cpt.precious (awie)

berahan n kerapu

UDANG GALAH

Mengail Udang Galah

Trip kami ngail udang galah ani dari Muara menuju ka Batu Apoi

makai parahu mini preciuos 17kaki enjin 40hp

kami 4 orang Padamit, Cpt precious (awie), Popperazi n Jef

luih kami ari atu 12 o 13 ekong ganya syukur tah jua lah nda jua balik kosong. Iatah on da way kami mulih takandung ribut, angin, ombak kelurusan tia jua aing tuhur kan menuju ka darat takut katuhuran. ada d antara kami atu yg tungkal udah bah padamit takut jua tapi cool saja tapaksa tah jua kami menuju ke darat ah berbunut ah baik jua ombak n ujan atu taduh sedikit, dari sana kan menuju ke Muara 1 jam labih bah inda olah kan laju tuhur bah inda lagi berapa keliatan nada makai lampung bukan jua kan balik malam bah. 2 kali kan talanggar kilong ah baik jua sampat mengilak.

Tapi Syukur Alhamdulillah semua selamat nada apa2 yg belaku.

UDANG GALAH

Popperazi

Nah popperazi pun baluih sauh jua ia tah yg mula2 baluih ni, fikir ia ani mengail lauk mega2 saja rupanya ngail udang jua, au popperazi jua banar di sana atu pun popping ia jua bah ganya nada lauk baliur kan menyambar popper nya atu apatah lagi udang dui mangkali malangui pun nda kali udang ah hahaha, tapi nda apa baik jua mencuba mana tau ada jua lauk yg mega2 nda ja popperazi.

UDANG GALAH

Padamit n Jef

baluih jua udang galah yg sauh

kami 2 ani petama kali

baluih yg basar camani ani iatah membari iski

UDANG GALAH

Cpt. Precious (Awie)

Udang Galah bersais mega

yg kana galar SAUH

BEMASA (GT)

Cpt. PRECIOUS N POPPERAZI
Ani pun luih bisdia popping jua

BEMASA (GT)

JIMI, PADAMIT, AWIE N POPPERAZI

GT n languran ani luih kami popping saja ni ganya inda lagi ingat bila