Iatah rezeki kami ni di hujung tahun 2010 ni Syukur Alhamdulillah. Capt. Precious (CP Awie) sama kediaku ikut menumpang arah perahu BERKAT 7 Popperazi sama Sapai. Kami turun di Danau, mula-mula menganjun dulu untuk umpan hidup mana tau kan mengail tengiri. Kesana kemari jua udah mengunjar banyak jua takat kami cuba inda berapa lauk atu mau makan. Sekalinya makan 2 3 ekong ganya lapas atu batah tah menunggu tu, tepaksa tah lagi mencari takat lain. Tungkul atu banyak plang ia betimbulan bemain tambi ia bah, tapi sekong 2 ekong ganya makannya. Kami plang yang tambi olehnya payah-payahan menguyung. Mencuba kami menjig ada plang makan tapi putus tia ganya, ada yang putus arah tangsi abis sama jig, ada yang putus tali jig. Popping kami jua lagi tah nada lauk sudi menyambar popper.
Diantara lauk yang kami dapat pelapahan, tungkul, anduping lausu, kerapu, lantaran, ayam laut, sulit,kepayang2. Terima kasih BERKAT 7 lain kali kalau ada ruang sama peluang bunyi-bunyi saja Insya Allah kami kan ikut lagi. Alhamdulillah rezeki penutup tahun 2010.
Posted by
0 comments:
Post a Comment