Alhamdulillah rezeki tani pagi kami mengail di raba baru dibuat oleh Capt. Precious, PAiring sama Raman di laut Muara. Raba atu bisdia galar raba KEBANGSAAN kalau kan tau kenapa tanya saja bisdia atu ah. Antadi kami turun 4 orang Capt. Precious, PAiring, PAdamit sama Talip.
Baik jua belurih menganjun atu pun temanong ganya iatah dibuatkan umpan tu, langsung inda bebata umpan inda belurih membali. Sekajap ganya makannya atu bah atu Awg Talip ganya yang belurih tu mambangan ah.
Mencuba kami jua arah lain inda jua makan lauk atu. Arah buluh kami lagi pun nada makan, menganjun belurih plang basong-basong damit. Menjig 2 kali putus kana sambar kalau bukan lingkuh tengiri tu. Sudah kesana kemari mencuba balik tah kami eh inda jua ada makannya lagi.
No comments:
Post a Comment